మనసులు గెలిచిన శివకార్తికేయన్

మనసులు గెలిచిన శివకార్తికేయన్

డిఫరెంట్‌‌ కాన్సెప్ట్‌‌ సినిమాలతో ఎంటర్‌‌‌‌టైన్ చేసే శివకార్తికేయన్‌‌.. తన మంచి మనసుతోనూ అందరినీ మెస్మరైజ్ చేస్తున్నాడు. రీసెంట్‌‌గా ఓ పేద అమ్మాయికి సాయం చేసిన తీరు అందరినీ మెప్పిస్తోంది. తమిళనాడుకు చెందిన దేవశంకరి అనే అమ్మాయి ప్లస్ టూ వరకు చదివింది. నర్స్ కావాలనుకుంది. కానీ అందుకు అవసరమైన ఆర్థిక స్థోమత ఆమెకి లేదు. దాంతో చదువు ఆపేసి తమ కుటుంబం నడిపే పంక్చర్ షాప్‌‌లో పని చేస్తోంది. తన గురించి ఆమధ్య ఓ టీవీ చానెల్లో స్టోరీ టెలికాస్ట్ అయ్యింది. అది చూసిన శివకార్తికేయన్ వెంటనే తన మనిషిని ఆమె దగ్గరకు పంపించాడు. నర్సింగ్ చదవడానికి అవసరమైన మొత్తం ఫీజునూ ఒకేసారి కట్టేశాడు. తన చదువు పూర్తి చేయడానికి ఏం అవసరమైనా తనే చేస్తానని మాటివ్వడంతో పాటు,  సంక్రాంతి పండక్కి ఆ అమ్మాయి ఇంట్లోని వారందరికీ కొత్త బట్టలు కూడా పంపించాడు. ఆమధ్య తన అభిమానికి ఆటో కొనిచ్చాడు గోపీచంద్. ఆటో నడుపుతూ కష్టపడుతున్న ఓ మహిళకి కారు కొనిచ్చి హెల్ప్ చేసింది సమంత. ఇప్పుడు శివకార్తికేయన్ తన మంచి తనంతో మనసులు గెలిచాడు. సెలెబ్రిటీలంతా అవసరంలో ఉన్నవారికి ఇలా సాయం చేస్తూ ఉండటం నిజంగా చాలా గ్రేట్.