గోదావరిఖని, వెలుగు : పెద్దపల్లి జిల్లా రామగుండం రీజియన్ సింగరేణి అడ్రియాల లాంగ్ వాల్ (ఏఎల్పి) మైన్ప్రాజెక్టులో గురువారం ఉదయం ఎయిర్ ట్యాంక్ పేలడంతో ఐదుగురు కార్మికులు గాయపడ్డారు. వివరాల్లోకి వెళ్తే... ప్రాజెక్టులోని ఎస్ బీఎల్ ఎయిర్ట్యాంక్ కంప్రెషర్ లో కార్మికులు ఎయిర్నింపుతుండగా అది లీక్ అయింది. భారీ శబ్దంతో ట్యాంక్ బ్లాస్ట్ కావడంతో ఆయిల్ బయటకు వచ్చి కార్మికుల మీద పడింది.
దీంతో ఫిట్టర్పి.కిరణ్కుమార్, ఎస్డీఎల్ ఆపరేటర్వి.శ్రీనివాస్, జనరల్అసిస్టెంట్లు సీహెచ్. ప్రశాంత్, టి.మనోజ్ కుమార్, ఆర్.లక్ష్మణ్ స్వల్పంగా గాయపడ్డారు. వెంటనే వారిని సెంటినరీ కాలనీలోని సింగరేణి డిస్పెన్సరీకి తరలించి ప్రాథమిక చికిత్స అనంతరం గోదావరిఖనిలోని ఏరియా హాస్పిటల్కు తరలించారు. భారీ శబ్ధం కారణంగా ఎవరికైనా వినికిడి సమస్య వచ్చిందా అనే విషయం తెలుసుకునేందుకు డాక్టర్లు పరీక్షలు చేశారు.
