గోదావరిఖని, వెలుగు : సింగరేణి గుర్తింపు సంఘం కాలపరిమితి ఈ నెల 8వ తేదీతో ముగిసినందున వెంటనే ఎన్నికలు నిర్వహించేలా చూడాలంటూ టీబీజీకేఎస్ ప్రెసిడెంట్ మిర్యాల రాజిరెడ్డి హైకోర్టులో పిటిషన్ వేశారు. ఈ పిటిషన్ పై మంగళవారం విచారణ జరిపిన కోర్టు సెప్టెంబర్ 22వ తేదీకి వాయిదా వేసింది.
మరో వైపు.. సింగరేణి గుర్తింపు సంఘం ఎన్నికలు నిర్వహించాలని కోరుతూ టీబీజీకేఎస్ అధ్యక్షుడు రాజిరెడ్డి మంగళవారం హైదరాబాద్లో డిప్యూటీ చీఫ్ లేబర్ కమిషనర్ (సెంట్రల్), సింగరేణి సీఎండి జ్యోతి బుద్ధ ప్రకాశ్, డైరెక్టర్ గౌతం పొట్రును కలిసి వినతిపత్రం అందజేశారు. కార్మిక సంఘాల ఎన్నికలు జరిగే వరకు అన్ని యూనియన్లకు సమాన హోదా కల్పించాలని కోరారు.
