సూపర్స్టార్ మహేశ్ బాబు కూతురు సితారకు సోషల్ మీడియాలో ఉన్న ఫాలోయింగ్ గురించి ప్రత్యేకంగా చెప్పాల్సిన పనిలేదు. తరచూ తన డ్యాన్స్ వీడియోలను పోస్ట్ చేస్తూ మహేశ్ ఫ్యాన్స్ను ఆకట్టుకుంటోంది. సితార క్రేజ్ను క్యాష్ చేసుకునేందుకు ఇప్పటికే కంపెనీలు పోటీ పడుతున్నాయి. నమ్రతతో కలిసి ఈ ఇటీవల ఈ స్టార్ కిడ్ ఓ యాడ్లో మెరిసిన సంగతి తెలిసిందే. తాజాగా ప్రముఖ జ్యువెల్లర్స్కు బ్రాండ్ అంబాసిడర్గా మారినట్టు సమాచారం.
బడా యాడ్ ఫిల్మ్ మేకర్స్, అత్యున్నత టెక్నీషియన్స్తో ఈ యాడ్ ప్లాన్ చేశారట. ఇందుకోసం ఓ రహస్యప్రాంతంలో రెండు రోజుల పాటు షూటింగ్ జరగనుందని తెలుస్తోంది. ఇప్పటికే టాలీవుడ్లో అత్యధిక కమర్షియల్ యాడ్స్ చేసిన హీరోగా మహేశ్కు పేరుంది. ఇప్పుడు తండ్రిబాటలోనే సితార వెళ్లనున్నట్టు ఇండస్ట్రీలో టాక్ నడుస్తోంది.
