జూబ్లీహిల్స్, వెలుగు: సోషల్ మీడియా వేదికగా యువతులను నమ్మించి మోసాలకు పాల్పడుతున్న చంద్రశేఖర్ ఆజాద్బాధితుల సంఖ్య పెరుగుతోంది. నిందితుడు ఇప్పటికే అరెస్ట్ అయి రిమాండ్లో ఉన్నప్పటికీ.. అతడి చేతిలో మోసపోయిన బాధితులు వెలుగులోకి వస్తూనే ఉన్నారు.
బుధవారం మరో యువతి పోలీసులను ఆశ్రయించి.. ఆజాద్ తనను ప్రేమ, పెండ్లి పేరుతో నమ్మించి రూ. 6 లక్షల నగదు, ఖరీదైన మొబైల్ ఫోన్ తీసుకున్నాడని ఫిర్యాదు చేసింది. మరో యువతిని కూడా ఇలాగే మభ్యపెట్టి ఆమె నుంచి బంగారు నెక్లెస్ను కొట్టేసినట్లు తెలిసింది. సదరు బాధితురాలు కూడా జూబ్లీహిల్స్ పోలీసులకు ఫిర్యాదు చేసేందుకు సిద్ధమవుతోంది. వరుసగా వస్తున్న ఈ ఫిర్యాదులతో పోలీసులు దర్యాప్తును మరింత వేగవంతం చేశారు.
