కాశ్మీర్: ‘సైనికుల జీవితం గురించి ఎవరు చెప్పగలరు.. ఈరోజు బాగున్నం, రేపు ఉంటమో లేదో ఎవరికి తెలుసు?’… చిన్న వయసులోనే సైన్యంలో చేరిన ఓ జవాను తన బాల్య మిత్రుడికి పంపిన వాట్సప్ మెసేజ్ ఇది. మెసేజ్ పంపిన మరుసటి రోజే ఆ జవాను నేలకొరిగిండు. టెర్రరిస్టులతో పోరాడుతూ కన్నుమూసిండు. దీంతో ఆ మెసేజ్ అందుకున్న స్నేహితుడు కన్నీటిపర్యంతమైయిండు. శ్రీనగర్ లోయలో గురువారం టెర్రరిస్టులతో జరిగిన ఎదురు కాల్పుల్లో చనిపోయిన జవాన్ యశ్ దిగంబర్ దేశ్ముఖ్ తన దోస్తుకు పంపిన ఈ మెసేజ్ ఇప్పుడు నెటిజన్లను కన్నీరు పెట్టిస్తోంది.
ఏం జరిగింది?
మహారాష్ట్రలోని జల్గావ్ జిల్లాకు చెందిన యశ్ దేశ్ముఖ్20 ఏళ్ల వయసులోనే సైన్యంలోకి ఎంపికై, మరాఠా లైట్ ఇన్ఫాంట్రీ తరఫున శ్రీనగర్ లోయలో విధులు నిర్వహిస్తున్నారు. ఈ క్రమంలో బుధవారం యశ్ను తన చిన్ననాటి దోస్తు వాట్సప్ల పలకరించిండు. ఎట్లున్నవ్, డ్యూటీ ఎట్లుంది, ఊరికి ఎప్పుడొస్తవ్ అంటూ విచారించిండు. దీనికి జవాబిస్తూ.. నేను బాగున్నా, కానీ మా జీవితాల్లో ఎప్పుడేం జరుగుతుందో ఎవరూ చెప్పలేరు. ఇవ్వాల ఇక్కడున్నం, రేపు ఎక్కడ ఉంటమో’ అని మెసేజ్ చేసిండు. మరుసటి రోజు(గురువారం) పాక్ ప్రేరేపిత టెర్రరిస్టులు శ్రీనగర్లో జరిపిన దాడిలో మరో జవానుతో పాటు యశ్ ప్రాణాలు వదిలిండు. యశ్జవాబిచ్చిన వాట్సాప్ స్క్రీన్షాట్ ఇప్పుడు సోషల్ మీడియాలో వైరల్గా మారింది. యశ్ తల్లిదండ్రులు వ్యవసాయం చేస్తుంటారు, ఇద్దరు అక్కలకు పెళ్లిళ్లు అయిపోగా, తమ్ముడు స్కూలుకు వెళుతున్నాడని యశ్ గ్రామస్తులు చెప్పారు.
For More News..
