స్కిన్ కేర్ అనంగనే అందరి ఆలోచన ముఖం దగ్గరే ఆగుతుంది. అప్పుడప్పుడు కాళ్లు, చేతుల గురించి ఆలోచిస్తారు. మరి మెడ మాటేంటి? శరీరంలో ఎక్కువగా ఎండకి ఎక్స్పోజ్ అయ్యే పార్ట్స్లో మెడ కూడా ఉందిగా! అందుకే దాన్నీ కాస్త పట్టించుకోవాలి. ముఖ్యంగా వేసవిలో.. ఈ సీజన్లో మెడ బాగా రంగుబారుతుంది
- ఎర్రటి మచ్చలు, గీతలు కూడా పడుతుంటాయి. గరుకుగా అవుతుంటుంది కూడా. మరి వీటన్నింటికీ సొల్యూషన్ ఏంటంటే..
- ముఖం, చేతుల మాదిరిగానే మెడకి కూడా సన్స్ర్కీన్ తప్పనిసరి. లేదంటే మెడపై చర్మం వదులుగా అవుతుంది. రంగు మారుతుంది. అందుకే ప్రతిరోజూ మెడకి సన్స్ర్కీన్ అప్లై చేయాలి. దీనివల్ల ట్యాన్తో పాటు మెడపై ముడతలు కూడా తగ్గుతాయి. అలాగే ఎండలో బయటికెళ్లినప్పుడు వీలైనంత వరకు స్కార్ఫ్తో మెడని కవర్ చేయాలి.
- శరీరంలో ఎక్కువగా ట్యాన్ పేరుకుపోయేది మెడ దగ్గరే. పొడిబారడం, ఇరిటేషన్ లాంటి సమస్యలు కూడా మెడకే ఎక్కువ. వీటి నుంచి బయటపడాలంటే ఎక్స్ఫొలేషన్ ద్వారా ఎప్పటికప్పుడు డెడ్ స్కిన్ సెల్స్ని రిమూవ్ చేసుకోవాలి. చక్కెర, ఓట్మీల్ లేదా స్పాంజ్లతో మెడని మసాజ్ చేయాలి. అలాగే విటమిన్– సి ఎక్కువగా ఉండే ఫుడ్ తీసుకుంటే పిగ్మెంటేషన్ సమస్య రాదు. అంటే మెడ దగ్గరి చర్మం నల్లబడదు. విటమిన్–సి ఇన్సులిన్ ఉత్పత్తి పెంచి కొత్త చర్మ కణాల తయారీకి సాయపడుతుంది. స్కిన్ని మాయిశ్చరైజ్ చేసి మెరిసేలా చేస్తుంది.
- మెడ దగ్గర చర్మం అందంగా, ఆరోగ్యంగా ఉండాలంటే కొలాజెన్ ముఖ్యం. దీనికోసం విటమిన్–సి తో పాటు ఒమెగా– 3, ఒమెగా– 6 ఎక్కువగా ఉండే ఫుడ్ని డైట్లో చేర్చాలి. వీటిని రాత్రి పడుకునే ముందు తీసుకుంటే మరీ మంచిది. అలాగే స్కిన్ మాయిశ్చరైజింగ్కి ఆల్ఫా హైడ్రోజన్ యాసిడ్స్ని మించిన సోర్స్ ఇంకోటి లేదు. గ్రీన్ యాపిల్, బెర్రీస్, చెరుకు రసం, పైనాపిల్, బొప్పాయి తినడం వల్ల మెడ దగ్గరి స్కిన్ హెల్దీగా ఉంటుంది.
- ఒక టీ స్పూన్ ఆరెంజ్ పీల్ పౌడర్లో పావు టీ స్పూన్ పసుపు , ఒక టీ స్పూన్ తేనె వేయాలి. ఆ మిశ్రమాన్ని పేస్ట్లా చేసి మెడకి పట్టించాలి. పూర్తిగా ఆరాక చన్నీళ్లతో కడిగితే మెడ మెరుస్తుంది. ఒక టీ స్పూన్ కొబ్బరి నూనెలో అర టీ స్పూన్ బాదం పౌడర్, ఒక టీ స్పూన్ చక్కెర కలిపి మెడకి ప్యాక్ వేసినా రిజల్ట్ బాగుంటుంది.
