చేర్యాల, వెలుగు: తండ్రి కారు కొనివ్వలేదని కొడుకు సూసైడ్ చేసుకున్నాడు. సోమవారం. ఎస్సై దామోదర్కథనం ప్రకారం.. సిద్దిపేట జిల్లా చేర్యాల మండల కేంద్రానికి చెందిన బుట్టి నవీన్కుమార్(26) డ్రైవింగ్ చేస్తూ జీవనం సాగిస్తున్నాడు. కొన్ని రోజుల నుంచి తండ్రి నర్సింహులును సొంత కారు కొనివ్వాలని అడుగుతున్నాడు. టెంపరరీగా డ్రైవింగ్చేసి డబ్బులు పొదుపుచేయాలని, వాటితో ఫైనాన్స్లో కారు కొనిస్తానని తండ్రి సూచించాడు.
కానీ, అతను కారు కొనివ్వాల్సిందేనని పట్టుబడ్డి పనికి వెళ్లకుండా ఇంటి వద్దే ఉంటున్నాడు. సోమవారం ఎన్నిరోజులు ఇంటి వద్ద ఉంటావని తండ్రి మందలించడంతో మనస్తాపానికి గురైన నవీన్కుమార్పొలంలో వేపచెట్టుకు ఉరేసుకొని చనిపోయాడు. గతంలో కూడా కత్తితో ఎడమ చేయి కట్చేసుకొని సూసైడ్కు యత్నించాడు. తండ్రి నర్సింహులు ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు.
