హైదరాబాద్, వెలుగు: వచ్చే ఏడాది తెలంగాణలో జరగబోయే ప్రతిష్టాత్మక ‘సౌత్ ఇండియా సైన్స్ ఫెయిర్’ (ఎస్ఐఎస్ఎఫ్)కు ముహూర్తం ఖరారైంది. జనవరి 19 నుంచి 23వ తేదీ వరకు మొత్తం ఐదు రోజుల పాటు నిర్వహించేందుకు స్కూల్ ఎడ్యుకేషన్ డైరెక్టరేట్ నిర్ణయించింది.
దీని కోసం జనవరి18 నుంచి రిజిస్ట్రేషన్లు ప్రారంభించనున్నట్టు తెలిపింది. ఈ మేరకు తేదీలను, వెన్యూను ఫైనల్ చేస్తూ పాఠశాల విద్యాశాఖ డైరెక్టర్ నవీన్ నికోలస్ ..బెంగళూరులోని విశ్వేశ్వరయ్య ఇండస్ట్రియల్ అండ్ టెక్నలాజికల్ మ్యూజియం (వీఐటీఎం) డైరెక్టర్ కు లేఖ రాశారు. ఈ సైన్స్ ఫెయిర్ ను హైదరాబాద్ శివారు సంగారెడ్డి జిల్లా రామచంద్రాపురం పరిధిలోని కొల్లూరులోని ‘ది గౌడియమ్ స్కూల్’ లో నిర్వహించనున్నారు.
