భైంసా, వెలుగు: అయ్యప్ప స్వామి, హిందూ దేవుళ్లపై బైరి నరేశ్చేసిన వ్యాఖ్యల వెనుక బీఆర్ఎస్సర్కారు కుట్ర దాగి ఉందని ఆదిలాబాద్ఎంపీ సోయం బాపురావు అన్నారు. శనివారం బాసర అమ్మవారిని దర్శించుకున్న తర్వాత భైంసాలోని జిన్నింగ్ఫ్యాక్టరీలో ఆయన మాట్లాడారు. మరో ఏడాదిలో ఎన్నికలు ఉండడంతో ఎలాగైనా గెలవాలనే ఉద్దేశంతో బీఆర్ఎస్ఇలాంటి కుట్రలు చేస్తోందన్నారు. నరేశ్పై రాష్ట్రవ్యాప్తంగా 150కి పైగా కేసులు అయ్యాయని, అతడిపై పీడీ యాక్టు ఎందుకు పెట్టడం లేదని ప్రశ్నించారు. భైంసాలో హిందూ యువకులపై ఒకట్రెండు కేసులు నమోదైతేనే పీడీ యాక్టు పెట్టి ఇబ్బందుల పాలు చేశారని అన్నారు.
హిందూ దేవుళ్లను కించపర్చేవారిపై కేసులు పెట్టేందుకు కేసీఆర్సర్కారు భయపడుతోందన్నారు. దీనంతటికి కారణం బీఆర్ఎస్ స్టీరింగ్ఎంఐఎం చేతిలో ఉండడమేనన్నారు. రాబోయే రోజుల్లో కేసీఆర్మరిన్ని కుట్రలు పన్నేందుకు ప్రయత్నాలు చేస్తారని, బీజేపీ శ్రేణులంతా అలర్ట్గా ఉండాలని సూచించారు. బీజేపీ రాష్ట్ర అధ్యక్షుడు బండి సంజయ్చేపట్టిన పాదయాత్ర గత నెల భైంసాలో ప్రారంభమై కరీంనగర్లో విజయవంతంగా ముగిసిందని, ఇందుకు కృషి చేసిన వారందరికీ ధన్యవాదాలు తెలిపారు. సమావేశంలో ఆదిలాబాద్ పార్లమెంట్ కన్వీనర్అయ్యన్నగారి భూమయ్య, బాల్కొండ నియోజకవర్గ పాలక్ ఇన్చార్జీ రామారావు పటేల్తదితరులు పాల్గొన్నారు.
