ప్రముఖ గిరిజన జాతర మేడారంకు దక్షిణమధ్య రైల్వే స్పెషల్ రైళ్లను నడిపేందుకు చర్యలు చేపట్టింది. జాతరకు వెళ్లే భక్తులకు వారికి ఎలాంటి అసౌకర్యం కలగకుండా… మరింత మెరుగైన ప్రయాణ సౌకర్యాన్ని కల్పించేందుకు రెడీ అయ్యింది.
ఫిబ్రవరి 4 నుంచి 8వ తేదీ వరకు జరగనున్న మేడారం జాతరకు 20 ప్రత్యేక రైళ్లను నడపనున్నట్లు దక్షిణ మధ్య రైల్వే అధికారులు తెలిపారు. హైదరాబాద్‌- సికింద్రాబాద్‌- వరంగల్‌ వరకు 10 ప్రత్యేక సర్వీసులు అందుబాటు ఉంటాయన్నారు. అవి మౌలాలీ, చర్లపల్లి, ఘట్‌కేసర్, బీబీనగర్, భువనగిరి, రాయ్‌గిరి, వంగపల్లి, ఆలేర్, పెంబర్తి, జనగామ, రఘునాథ్‌పల్లి స్టేషన్లలో ఆగుతాయని తెలిపారు. మరోవైపు మరో 10 రైళ్లు సిర్పూర్‌ కాగజ్నగర్- వరంగల్‌- సిర్పూర్‌ కాగజ్నగర్ మధ్య నడవనున్నాయి. ఆసిఫాబాద్, బెల్లంపల్లి, మందమర్రి, మంచిర్యాల, పెద్దంపేట, రామగుండం, రాఘవపురం, పెద్దపల్లి, జమ్మికుంట, కొత్తపల్లి, కొలనూర్ స్టేషన్లలో రైళ్లు ఆగుతాయని తెలిపారు అధికారులు.
