టాలీవుడ్ లో చైల్డ్ ఆర్టిస్ట్ గా కెరీర్ మొదలుపెట్టిన తెలుగమ్మాయి శ్రీదివ్య(Sridivya).. మారుతి(Maruthi) దర్శకత్వం వహించిన బస్టాప్(Bus stop) సినిమాతో హీరోయిన్ గా కెరీర్ మొదలుపెట్టింది. ఆ సినిమా సూపర్ సక్సెస్ తరువాత ఆమెకు ఆఫర్స్ ఎక్కువగా రాలేదు. ఆ తరువాత కేరింత(Kerintha) అనే సినిమాలో మాత్రమే నటించింది.
ఆ తరువాత తమిళ సినిమాల్లో ఎక్కువ అవకాశాలు రావడంతో అక్కడే సెటిలైపోయింది. శివకార్తికేయన్‌ హీరోగా వచ్చిన వరుత్తపడాద వాలిబర్‌ సంఘం మూవీతో తమిళంలోకి ఎంట్రీ ఇచ్చింది ఈ బ్యూటీ.. కాక్కీ సట్టై, జీవా, ఈటీ, మరుదు, బెంగుళూర్‌ నాట్కల్‌, పెన్సిల్‌ వంటి పలు సూపర్ హిట్ సినిమాలో అవకాశాలు దక్కించుకుంది. ఇక తాజాగా ఆమె నటించిన రైడ్‌ సినిమా త్వరలో రిలీజ్ కానుంది. ఈ సందర్భంగా ప్రమోషన్‌లో పాల్గొన్న శ్రీదివ్య ప్రేమ, పెళ్లి గురించి ఆసక్తికరమైన కామెంట్స్ చేసింది. నేను త్వరలోనే పెళ్లి చేసుకోబోతున్నాను, అది కూడా ప్రేమ వివాహమే, నా ప్రియుడినే పెళ్లి చేసుకుంటాను.. అంటూ చెప్పుకొచ్చింది. దీంతో శ్రీదివ్య ప్రేమిస్తున్న ఆ అబ్బాయి ఎవరా? అంటూ సెర్చింగ్ మొదలుపెట్టేశారు నెటిజన్స్.
