బిగ్‌బాస్‌ తెలుగు సీజన్‌ 10లో ఊహించని పరిణామం చోటుచేసుకుంది. స్ట్రాంగ్‌ కంటెస్టెంట్‌గా పేరు తెచ్చుకున్న రోహిత్‌ అనూహ్యంగా హౌస్‌ నుంచి ఎలిమినేట్‌ అయ్యాడు. సాధారణంగా ప్రేక్షకుల ఓటింగ్‌ ఆధారంగా జరిగే ఎలిమినేషన్‌కు భిన్నంగా.. ఈసారి హౌస్‌మేట్స్‌ తీసుకున్న నిర్ణయమే రోహిత్‌ నిష్క్రమణకు కారణమైంది. దీంతో ఒక్కసారిగా బిగ్‌బాస్‌ హౌస్‌లోనే కాదు, బయట సోషల్‌ మీడియాలోనూ తీవ్ర చర్చ మొదలైంది.
ఆదివారం ( నవంబర్ 1, 2026 ) ఎపిసోడ్‌లో నాగార్జున ఆర్కే, శ్వేత, రోహిత్‌లను డేంజర్‌ జోన్‌లో ఉన్నట్లు ప్రకటించారు. అయితే వీరిలో ఒకరిని ఇంటి సభ్యుల ఓటింగ్‌ ద్వారా బయటకు పంపించనున్నట్లు వెల్లడించి అందరికీ షాకిచ్చారు. ఈ ప్రత్యేకమైన ప్రక్రియలో కంటెస్టెంట్లు తాము హౌస్‌లో ఉండకూడదని భావించిన వ్యక్తి ఫొటోను బొమ్మకు అంటించి పగలగొట్టాల్సి వచ్చింది.
ఈ ఓటింగ్‌లో నరేశ్‌, రామ్‌ ప్రసాద్‌, త్రిగుణ్‌, దేబ్జానీ, అమన్‌ రోహిత్‌కు వ్యతిరేకంగా ఓటు వేశారు. ముఖ్యంగా రోహిత్‌కు సన్నిహితంగా ఉంటాడని భావించిన రామ్‌ ప్రసాద్‌ కూడా అతడికి వ్యతిరేకంగా ఓటు వేయడం పెద్ద ట్విస్ట్‌గా మారింది. త్రిగుణ్‌తో గతంలో జరిగిన పరిణామాలు కూడా ఈ నిర్ణయంపై ప్రభావం చూపాయి. మరోవైపు ముకేశ్‌, సుధీర్‌, నీతూ ఆర్కేకు వ్యతిరేకంగా ఓటు వేశారు. చివరకు రోహిత్‌కు ఎక్కువ ఓట్లు రావడంతో నాగార్జున అతడి ఎలిమినేషన్‌ను ప్రకటించారు.
అయితే ఈ పరిణామాన్ని రోహిత్‌ అభిమానులు ఏమాత్రం జీర్ణించుకోలేకపోతున్నారు. ప్రేక్షకుల ఓట్లతో కాకుండా హౌస్‌మేట్స్‌ నిర్ణయంతో అతడిని బయటకు పంపించడం అన్యాయమంటూ సోషల్‌ మీడియాలో ఆగ్రహం వ్యక్తం చేస్తున్నారు. రోహిత్‌కు మరో అవకాశం ఇవ్వాలని, వెంటనే రీఎంట్రీ కల్పించాలని డిమాండ్‌ చేస్తున్నారు.
బలమైన ఆటతీరు, దూకుడు, గొడవలతో ఎప్పుడూ వార్తల్లో నిలిచిన రోహిత్‌ ఇలా మధ్యలోనే ప్రయాణం ముగించుకోవడం ఈ సీజన్‌లోనే అతిపెద్ద షాకింగ్‌ మూమెంట్స్‌లో ఒకటిగా నిలిచింది. మరి అభిమానుల డిమాండ్‌ను బిగ్‌బాస్‌ నిర్వాహకులు పట్టించుకుంటారా? రోహిత్‌ రీఎంట్రీకి అవకాశం ఉంటుందా? అన్నది ఇప్పుడు ఆసక్తికరంగా మారింది...
Bro @DevicharanYaram Space lo andariki hopes penchutunnaru. But accept it #Rohit eliminate ayyaru it's reality there is no RE-ENTRY... Okavela iste happy ne but it's not happening....but reaction aina plan cheyyandi star maa ki telisela .... #Biggbosstelugu10
— Mr. VishnuTej (@urs_VishnuTej) November 1, 2026
