మిర్యాలగూడ, వెలుగు : ఎమ్మెల్యే భాస్కర్రావుపై రాష్ట్ర మహిళా కమిషన్లో వనం విజయలక్ష్మి ఫిర్యాదు చేసింది. ఆమె తెలిపిన వివరాల ప్రకారం ఈ నెల 3న వేములపల్లి మండలం శెట్టిపాలెం గ్రామానికి ఎమ్మెల్యే వచ్చారు. గృహలక్ష్మి స్కీం జాబితాలో తన పేరు ఉన్నా అధికారులు తొలగించారని ఎమ్మెల్యేకు చెబుతుండగా తనపై లోకల్ లీడర్ చెయ్యి వేసి పక్కకు నెట్టినట్లు తెలిపారు. నీకు ఇల్లు రాదు నీకు ఇయ్యను అంటూ ఎమ్మెల్యే అసభ్య పదజాలంతో దూషించినట్లు మహిళ కమిషన్కు తెలిపింది. తనపట్ల ఎమ్మెల్యే వ్యవహరించిన తీరుపై తన కుటుంబ సభ్యులు బాధపడ్డారని చెప్పారు.
అనంతరం వేములపల్లి పీఎస్లో ఫిర్యాదు చేశానన్నారు. ఇదే విషయమై బీజేపీ మహిళా మోర్చా జిల్లా అధ్యక్షురాలు కొండేటి ఆధ్వర్యంలో హైద్రాబాద్ లో కేంద్ర మంత్రి, పార్టీ చీఫ్ కిషన్ రెడ్డిని కలిసి ఫిర్యాదు కాపీని అందజేసినట్లు బీజేపీ నేతలు తెలిపారు. వారి వెంట రతన్ సింగ్ నాయక్, సీతారామరెడ్డి, చిర్ర సాంబమూర్తి, పెదమం భరత్, నాగిరెడ్డి, భాగ్యమ్మ , సత్యనారాయణ, నరేశ్, వేణు తదితరులున్నారు.
