హైదరాబాద్, వెలుగు: మ్యాన్ హోళ్లను ఇష్టారీతిన తెరిస్తే కఠిన చర్యలు తీసుకుంటామని వాటర్బోర్డు అధికారులు మంగళవారం ఒక ప్రకటనలో హెచ్చరించారు. రోడ్ల పక్కన, కూడళ్లలోని మ్యాన్ హోళ్ల పర్యవేక్షణకు సీవరేజ్బృందాన్ని ఏర్పాటు చేశామని తెలిపారు. మూతలు ధ్వంసమైనా, తెరిచి ఉంచినట్లు గమనించినా 155313కు కాల్చేసి సమాచారం ఇవ్వాలని కోరారు. బల్దియా సిబ్బందితో కలిసి వాననీటిని క్లియర్ చేస్తున్నామన్నారు.
