ఐపీఎల్ 2025లో సన్‌రైజర్స్ హైదరాబాద్ అదిరిపోయే విజయంతో సీజన్ ముగించింది. ఆదివారం (మే 25) ఢిల్లీలోని అరుణ్ జైట్లీ స్టేడియంలో కోల్‌కతా నైట్ రైడర్స్ పై 110 పరుగుల భారీ తేడాతో రికార్డ్ విజయాన్ని సొంతం చేసుకుంది. మొదట క్లాసన్ (39 బంతుల్లో 105: 7 ఫోర్లు, 9 సిక్సర్లు), ట్రావిస్ హెడ్(40 బంతుల్లో 76: 6 ఫోర్లు, 6 సిక్సర్లు) విధ్వంసంతో పాటు ఆ తర్వాత బౌలర్లు సమిష్టిగా రాణించడంతో ఈ సీజన్ లో సన్ రైజర్స్ ఐదో విజయాన్ని నమోదు చేసుకొని సీజన్ కు గుడ్ బై చెప్పింది.
ఈ మ్యాచ్ లో మొదట బ్యాటింగ్ చేసిన సన్ రైజర్స్ హైదరాబాద్ నిర్ణీత 20 ఓవర్లలో 3 వికెట్ల నష్టానికి 278 పరుగుల భారీ స్కోర్ చేసింది. ఛేజింగ్ లో కోల్‌కతా నైట్ రైడర్స్ 168 పరుగులకే ఆలౌట్ అయింది. ఈ విజయంతో సన్ రైజర్స్ 12 పాయింట్లతో సీజన్ ముగించుకుంది. మరోవైపు కోల్‌కతా నైట్ రైడర్స్ సైతం 12 పాయింట్లతో ఈ సీజన్ కు గుడ్ బై చెప్పింది.
ALSO READ | KKR vs SRH: టాప్-4 టోటల్స్ మనవే.. ఐపీఎల్ చరిత్రలో సన్ రైజర్స్ తడాఖా
279 పరుగుల ఛేజింగ్ లో కేకేఆర్ కు మంచి ఆరంభం లభించింది. కమ్మిన్స్ వేదసిన తొలి ఓవర్ లోనే రెండు సిక్సర్లతో నరైన్ దూకుడు చూపించాడు. నాలుగో ఓవర్ లో నరైన్ బౌల్డ్ కావడంతో కోల్‌కతా పతనం మొదలయింది. కెప్టెన్ రహానే, డికాక్, రింకూ సింగ్, రస్సెల్ పెవిలియన్ బాట పట్టారు. దీంతో 70 పరుగులకే 5 వికెట్లు కోల్పోయి కోల్‌కతా ఓటమి అంచుల్లో నిలిచింది. మనీష్ పాండే (37), హర్షిత్ రానా(34) వికెట్ల పతనాన్ని ఆపినా జట్టుకు విజయాన్ని అందించలేకపోయారు. సన్ రైజర్స్ బౌలర్లలో హర్ష దూబే, ఉనాద్కట్, మలింగ తలో మూడు వికెట్లు తీసుకున్నారు.
అంతకముందు మొదట బ్యాటింగ్ చేసిన సన్ రైజర్స్ ఐపీఎల్ చరిత్రలో నాలుగో అతి పెద్ద టోటల్ ను నమోదు చేసింది. క్లాసన్ కేవలం 37 బంతుల్లోనే సెంచరీ (39 బంతుల్లో 105: 7 ఫోర్లు, 9 సిక్సర్లు) చేయడంతో పాటు ట్రావిస్ హెడ్(40 బంతుల్లో 76: 6 ఫోర్లు, 6 సిక్సర్లు) విధ్వంసంతో మొదట బ్యాటింగ్ చేసిన సన్ రైజర్స్ హైదరాబాద్ నిర్ణీత 20 ఓవర్లలో 3 వికెట్ల నష్టానికి 278 పరుగుల భారీ స్కోర్ చేసింది.
ఓపెనర్లు అభిషేక్ శర్మ, ట్రావిస్ హెడ్ ఆరంభం నుంచి దూకుడుగా ఆడారు. తొలి ఓవర్లో 2 పరుగులే వచ్చినా రెండు, మూడు ఓవర్లలో ఏకంగా 39 పరుగులు రాబట్టింది. వీరి విజృంభణతో పవర్ ప్లే సన్ రైజర్స్ వికెట్ నష్టపోకుండా 79 పరుగులు చేసింది. 7 ఓవర్లో నరైన్ ఎట్టకేలకు నరైన్ ఈ జోడీని విడదీశాడు. భారీ షాట్ కు ప్రయత్నించి అభిషేక్ శర్మ 32 పరుగుల వ్యక్తిగత స్కోర్ వద్ద ఔటయ్యాడు. ఈ దశలో హెడ్ కు జత కలిసిన క్లాసన్ నెక్స్ట్ లెవల్లో బ్యాటింగ్ చేశారు.
అరుణ్ జైట్లీ స్టేడియంలో ఏ కేకేఆర్ బౌలర్ ను వదలకుండా బౌండరీల వర్షం కురిపించారు. వీరి విధ్వంసం ధాటికి 8 ఓవర్లో 16.. 9 ఓవర్లో 10.. పదో ఓవర్లో 20 పరుగులు.. 11 ఓవర్లో 17 పరుగులు వచ్చాయి. 13 ఓవర్లో మరోసారి నరైన్ హెడ్ వికెట్ తీసి బిగ్ రిలీఫ్ ఇచ్చాడు. హెడ్ కేవలం 40 బంతుల్లోనే 76 పరుగులు చేయడం విశేషం. హెడ్ ఔటైనా క్లాసన్ చివరి వరకు క్రీజ్ లో ఉండి కేకేఆర్ బౌలర్లకు చుక్కలు చూపించాడు. ఈ క్రమంలో 37 బంతుల్లో సెంచరీ మార్క్ అందుకుని సన్ రైజర్స్ ను 270 పరుగుల మార్క్ దాటేలా చేశాడు. కోల్‌కతా బౌలర్లలో నరైన్ రెండు వికెట్లు పడగొట్టాడు. వైభవ్ అరోరా ఒక వికెట్ తీసుకున్నాడు.
Sunrisers end the season on a high with a complete performance 👏
— ESPNcricinfo (@ESPNcricinfo) May 25, 2025
🔗 https://t.co/1mwOcXSls1 | #IPL2025 pic.twitter.com/jcgd9n2tXM
