సూపర్ స్టార్ కృష్ణ జయంతిని పురస్కరించుకుని సుధీర్ బాబు హీరోగా నటిస్తున్న ‘జటాధర’ టీమ్ ఆయనకు ట్రిబ్యూట్‌‌గా సరికొత్త పోస్టర్‌‌‌‌ను రిలీజ్ చేసింది. కృష్ణను శివుని అవతారంలో చూపిస్తూ విడుదల చేసిన ఈ పోస్టర్ ఆకట్టుకుంది.
‘తెలుగు వెండితెర‌‌పై దేవుడిగా భావించే, సిల్వర్ స్క్రీన్ తుఫానుగా చూచే, సినిమా ప్రపంచాన్ని ఎప్పటికీ ప్రభావితం చేసే శ‌‌క్తిగా లెజండరీ యాక్టర్‌ సూప‌‌ర్‌‌స్టార్ కృష్ణను ‘జటాధర’ చిత్రయూనిట్ స్మరించుకుంది’ అంటూ పోస్ట్ చేశారు. చిత్రీక‌‌ర‌‌ణ‌‌ను పూర్తి చేసుకున్న ఈ చిత్రం ప్రస్తుతం పోస్ట్ ప్రొడ‌‌క్షన్ కార్యక్రమాల‌‌ను ప్రారంభించింది. సూపర్ నేచురల్ మైథలాజికల్ థ్రిల్లర్‌‌‌‌గా తెరకెక్కుతోన్న ఈ చిత్రంలో సోనాక్షి సిన్హా హీరోయిన్‌‌గా నటిస్తోంది. వెంకట్ కళ్యాణ్, అభిషేక్ జైస్వాల్ దర్శకులుగా రూపొందిస్తుండగా, జీ స్టూడియోస్ సమర్పణలో ఉమేష్ కె.ఆర్.బన్సాల్, ప్రేరణ అరోరా నిర్మిస్తున్నారు.
