నల్గొండ, వెలుగు: సెప్టెంబర్ నెలలో నల్గొండ జిల్లాలో కృత్రిమ ఎరువు కొరత సృష్టించిన ఏడీఏతోపాటు ఐదుగురు ఏఓలు, వ్యవసాయ శాఖలోని ఇద్దరు ఉద్యోగులు సస్పెండ్అయ్యారు. గత నెలలో ఎరువులు దొరకక జిల్లా వ్యాప్తంగా వరి రైతులు నానా ఇబ్బందులు పడ్డారు. రోడ్ల పైకొచ్చి నిరసనలు తెలిపారు. రంగంలోకి దిగిన కలెక్టర్ ఆర్.వి.కర్ణన్జిల్లాలో ఎరువుల కొరతను రాష్ట్ర అగ్రికల్చర్కమిషనర్ దృష్టికి తీసుకెళ్లారు. రికార్డుల ప్రకారం జిల్లాలో ఎరువుల కొరత లేదని, రోజుకు సగటున 12 వేల మెట్రిక్టన్నుల యూరియా సప్లై చేసినట్టు కమిషనర్తెలిపారు.
దీంతో కలెక్టర్ కర్ణన్ స్పెషల్టీమ్స్నియమించి ఫెర్టిలైజర్షాపుల్లో సోదాలు నిర్వహించారు. కలెక్టర్ స్వయంగా దేవరకొండలోని పలు షాపుల రికార్డులను తనిఖీ చేశారు. సెప్టెంబర్నెల మొత్తం ఫెర్టిలైజర్ షాపుల్లోని అమ్మకాలు, కొనుగోళ్ల వివరాలను ఈ–-పాస్వెబ్సైట్లో ఎంటర్చేయలేదని గుర్తించారు. అందుకు బాధ్యులైన వ్యవసాయ శాఖ అధికారులు, ఉద్యోగులపైన చర్యలు తీసుకోవాలని అగ్రికల్చర్కమిషనర్కు రిపోర్ట్ పంపారు.
స్పందించిన కమిషనర్దేవరకొండ ఏడీఏ వీరప్ప, వ్యవసాయ శాఖ టెక్నికల్ ఏఓ గిరిప్రసాద్, సీనియర్ అసిస్టెంట్ రవికుమార్తోపాటు నల్గొండ, హాలియా, చండూరు, చందంపేట, చింతపల్లి మండలాల ఏఓలను సస్పెండ్చేశారు. ఏఓలను మహబూబ్నగర్ జిల్లాకు అటాచ్చేస్తూ సోమవారం ఉత్తర్వులు ఇచ్చారు.
అధికారుల తీరుతో రైతులకు ఇబ్బందులు
నిజానికి ఫెర్టిలైజర్షాపుల్లో ఎరువుల అమ్మకాలు ఆన్లైన్ద్వారానే జరుగుతాయి. ఈ–పాయింట్ఆఫ్ సేల్స్ద్వారా రైతుల వివరాలను ఎంటర్చేసి ఎరువులు విక్రయిస్తారు. అలా చేస్తేనే రైతులకు సబ్సిడీ వస్తుంది. అయితే నెల రోజుల పాటు ఫెర్టిలైజర్షాపుల్లో జరిగిన క్రయ, విక్రయాల వివరాలను అధికారులు ఆన్లైన్లో ఎంటర్చేయలేదు.
కానీ జిల్లా వ్యవసాయ శాఖలో మాత్రం ఫీల్డ్లో ఎరువులు ఉన్నట్టు కనిపిస్తోంది. జిల్లా అధికారులు ఇచ్చిన స్టాక్రిపోర్ట్ ఆధారంగా ఫీల్డ్లోకి వెళ్లి తనిఖీలు చేయగా, అసలు విషయం బయట పడింది. అప్పటికే ఎరువుల కోసం రైతులు తీవ్ర ఇబ్బందులు పడ్డారు.
