బీబీఎల్‌‌లో సిడ్నీ థండర్ చెత్త రికార్డు
సిడ్నీ: టీ20 క్రికెట్లో మరో సంచలనం నమోదైంది. ఓ జట్టు 15 రన్స్కే ఆలౌటైంది. దీంతో షార్ట్ ఫార్మాట్ చరిత్రలో అతి తక్కువ స్కోరు రికార్డయింది. కేవలం 5.5 ఓవర్లలో.. 30 నిమిషాల్లోనే ఈ ఇన్నింగ్స్ ముగిసింది. ఇంత చెత్త రికార్డును మూటగట్టుకున్నది అనామక జట్టు కాదు. ఐపీఎల్తర్వాత ఆ స్థాయి పోటీ ఉండే బిగ్‌ బాష్‌ లీగ్‌‌లో మాజీ విన్నర్‌ సిడ్నీ థండర్. శుక్రవారం అడిలైడ్ స్ట్రయికర్స్ తో మ్యాచ్లో థండర్ ఇన్నింగ్స్ పేకమేడను తలపించింది. దీంతో ఈ పోరులో అడిలైడ్ 124 రన్స్ తేడాతో నెగ్గింది.
తొలుత అడిలైడ్ 20 ఓవర్లలో 139/9 స్కోరు చేసింది. క్రిస్ లిన్ (36), గ్రాండ్హోమ్‌ (33) రాణించారు. ఛేజింగ్లో సిడ్నీ థండర్ కేవలం 5.5 ఓవర్లలో 15 రన్స్కే కుప్పకూలింది. మెన్స్ టీ20ల్లో షార్టెస్ట్ ఇన్నింగ్స్గా ఇది రికార్డులకెక్కింది. అడిలైడ్ బౌలర్లు హెన్రీ థోర్న్‌‌టన్‌ (5/3), వెస్ ఎగర్ (4/6) దెబ్బకు సిడ్నీ బ్యాటర్లు పెవిలియన్కు క్యూ కట్టారు. డోగెట్ (4) టాప్ స్కోరర్. టీమ్‌‌లో ఐదుగురు డకౌటయ్యారు. హేల్స్‌ (0), రొసో (3), సామ్స్‌ (1) వంటి పేరున్న ప్లేయర్లున్న థండర్ అనూహ్యంగా బోల్తా కొట్టింది. 2019లో కాంటినెంటల్ కప్లో భాగంగా చెక్ రిపబ్లిక్తో జరిగిన మ్యాచ్లో టర్కీ 21 రన్స్కే ఆలౌటవడం ఇప్పటిదాకా అతి తక్కువ స్కోరు. ఆ రికార్డును థండర్ బ్రేక్ చేసింది.
