- బీఆర్ఎస్ ఎమ్మెల్యే తలసాని శ్రీనివాస్ యాదవ్
హైదరాబాద్, వెలుగు: దిలావర్ పూర్ లో ఇథనాల్ కంపెనీతో తమ కుటుంబానికి ఎలాంటి సంబంధం లేదని బీఆర్ఎస్ ఎమ్మెల్యే తలసాని శ్రీనివాస్ యాదవ్ అన్నారు. ఆ కంపెనీలో తన కొడుకు సాయికిరణ్కు భాగస్వామ్యం లేదని చెప్పారు. పీసీసీ చీఫ్మహేశ్ కుమార్గౌడ్, మంత్రి సీతక్క, ఎంపీ చామల కిరణ్కుమార్ రెడ్డి మాటల్లో అర్థం లేదన్నారు. కంపెనీతో తన కొడుకుకి సంబంధం ఉన్నట్టు నిరూపిస్తే వాళ్లకే రాసిస్తానని పేర్కొన్నారు.
గురువారం తెలంగాణ భవన్లో ఆయన మీడియాతో మాట్లాడారు. ఇథనాల్ కంపెనీపై ఎక్కడైనా చర్చకు సిద్ధమని సవాల్ చేశారు. శుక్రవారం దీక్షా దివస్ సందర్భంగా తెలంగాణ భవన్లో ఉద్యమ నేపథ్యాన్ని వివరించేలా డాక్యుమెంటరీలను ప్రసారం చేస్తామని తలసాని వెల్లడించారు. అనంతరం సభ నిర్వహిస్తామన్నారు.
