సీఎం ప్రోగ్రాం అంటే.. అలా అలా షో చేయటం.. జెండా ఊపటం.. డ్రైవింగ్ సీట్లో కూర్చుని షో చేయటం ఇలా ఉంటుంది.. ఇందుకు పూర్తి డిఫరెంట్ గా ఉన్నారు తమిళనాడు సీఎం విజయ్. కార్లు పంపిణీలో కారు డ్రైవింగ్ చేసుకుంటూ వెళ్లారు.. బస్సులు ప్రారంభిస్తే కొన్ని కిలోమీటర్లు అదే బస్సులో ప్రయాణించారు.. ఇలా తన వ్యక్తిగత అలవాట్లను పక్కనపెట్టకుండా సీఎం హోదాలోనే చురుగ్గా వ్యవహరిస్తున్నారు. డ్రగ్స్ నిర్మూలనలో భాగంగా చెన్నై సిటీలో యూత్ అంతా కలిసి 6కే రన్.. 6 కిలోమీటర్లు రన్ నిర్వహించారు. సీఎం విజయ్ చీఫ్ గెస్ట్. గెస్ట్ గా వచ్చిన సీఎం విజయ్.. జెండా ఊపి వెళ్లిపోకుండా 6 కిలోమీటర్ల రన్ లో పాల్గొన్నారు. అంతేనా ఈ ఆరు కిలోమీటర్లను 30 నిమిషాల్లో కంప్లీట్ చేసి వారేవా సీఎం అనే ఆశ్చర్యానికి తీసుకొచ్చారు.
చెన్నై సిటీలో యువతను డ్రగ్స్కు దూరంగా ఉంచాలనే లక్ష్యంతో 'స్టార్ట్ రన్, స్టాప్ డ్రగ్స్' అనే నినాదంతో ఒక భారీ 6K మారథాన్ (6 కిలోమీటర్ల రన్) నిర్వహించారు. ఈ ప్రోగ్రామ్కు సీఎం విజయ్ చీఫ్ గెస్ట్గా వచ్చారు. అయితే ఆయన కేవలం రిబ్బన్ కట్ చేసి, జెండా ఊపి కార్ ఎక్కి వెళ్ళిపోలేదు. అందరితో కలిసి డ్రగ్స్ వ్యతిరేక ప్రతిజ్ఞ చేయించిన తర్వాత, స్వయంగా ట్రాక్ పైకి వచ్చి రన్ స్టార్ట్ చేశారు.
53 ఏళ్ల వయసు.. 30 నిమిషాల్లో 6 కిలోమీటర్లు!
53 ఏళ్ల వయసులో కూడా సీఎం విజయ్ తన అసాధారణ ఫిట్నెస్తో అందరినీ ఆశ్చర్యపరిచారు. నల్లటి టీషర్ట్, ట్రాక్ ప్యాంట్, సన్గ్లాసెస్ వేసుకుని.. మంత్రులు, అధికారులు, వేలాది మంది యువతతో కలిసి ఆయన అలుపు లేకుండా పరిగెత్తారు. కేవలం 30 నిమిషాల్లోనే పూర్తి 6 కిలోమీటర్ల దూరాన్ని కంప్లీట్ చేసి రియల్ హీరో అనిపించుకున్నారు.
గెలిచిన క్రీడాస్ఫూర్తి.. సోషల్ మీడియాలో వైరల్
ఈ పరుగులో విజయ్ కేవలం పరిగెత్తడమే కాదు, తనతో పాటు ఉన్న తోటి రన్నర్లను ఉత్సాహపరుస్తూ కనిపించారు. మధ్యలో ఒక రన్నర్ అలసిపోతే, ఆగి మరీ అతనికి వాటర్ బాటిల్ అందించి తన పెద్ద మనసును చాటుకున్నారు. సీఎం విజయ్ చాలా కూల్గా, నవ్వుతూ పరిగెడుతున్న వీడియోలు ప్రస్తుతం సోషల్ మీడియాలో విపరీతంగా ట్రెండ్ అవుతున్నాయి.
ఒక లీడర్ అంటే కేవలం మాటలు చెప్పడం కాదు.. తానే ముందుండి నడిపించాలని సీఎం విజయ్ నిరూపించారు. ఆయన చూపించిన ఈ క్రమశిక్షణ, ఫిట్నెస్, డ్రగ్స్ నిర్మూలనపై ఆయనకున్న నిబద్ధతను చూసి నెటిజన్లు, అభిమానులు 'జన నాయగన్' అంటూ ప్రశంసల వర్షం కురిపిస్తున్నారు.
