మూడో టీ20లో టీమిండియాకు161 పరుగుల టార్గెట్ను న్యూజిలాండ్ నిర్దేశించింది. టాస్ గెలిచి బ్యాటింగ్ చేసిన కివీస్..19.4 ఓవర్లలో 160 పరుగులకే ఆలౌట్ అయింది. ఇన్నింగ్స్ ప్రారంభంలోనే ఆ జట్టు 9 పరుగుల వద్ద తొలి వికెట్ను కోల్పోయింది. ఫిన్ అలెన్ 3 పరుగులు చేసి ఔటయ్యాడు. ఆ తర్వాత మార్క్ చాప్ మాన్ 12 రన్స్ చేసి పెవీలియన్ చేరాడు. దీంతో న్యూజిలాండ్ 44 పరుగులకే రెండు వికెట్లు కోల్పోయింది. ఈ సమయంలో కాన్వె, గ్లెన్ ఫిలిప్స్ జట్టును ఆదుకున్నారు. హఫ్ సెంచరీతో జట్టును మెరుగైన స్థితిలో నిలిపారు. మూడో వికెట్ కు 86 పరుగులు జోడించారు.
టపటపా..
130 పరుగుల వద్ద ఫిలిప్స్ ఔటవడంతో...న్యూజిలాండ్ ఇన్నింగ్స్ పేకమేడలా కూలిపోయింది. ఆ జట్టు వరుసగా వికెట్లను కోల్పోయింది. మరో 16 పరుగుల వ్యవధిలో కాన్వె పెవీలియన్ చేరాడు. ఆ తర్వాత నీషమ్, సాంట్నర్, మిచెల్ సోదీ, మిల్నే, సౌథీ స్వల్ప పరుగుల వద్ద ఔటవడంతో...చివరకు న్యూజిలాండ్ 19.4 ఓవర్లలో 160 పరుగులకే కుప్పకూలింది. భారత బౌలర్లలో సిరాజ్ , అర్షదీప్ సింగ్ చెరో నాలుగు వికెట్లు పడగొట్టారు. హర్షల్ పటేల్ ఒక వికెట్ తీశాడు.
