- మోడల్ విలేజ్గా తీర్చిదిద్దుతాం
- ఇండస్ట్రీ ఏర్పాటు చేసుకుని
- పది మందికి ఉపాధి కల్పించండి
- వాసాలమర్రిలో సీఎంఓ సెక్రెటరీ స్మితా సబర్వాల్
యాదాద్రి, వెలుగు : ‘మీరందరూ కలిసి ఉండి గ్రామాన్ని బాగు చేసుకుంటామని తీర్మానం చేసి పంపించండి. వాసాలమర్రిని మోడల్విలేజ్గా మారుస్తాం’ అని సీఎంఓ సెక్రెటరీ స్మితా సబర్వాల్అన్నారు. యాదాద్రి జిల్లా తుర్కపల్లి మండలంలోని సీఎం కేసీఆర్దత్తత గ్రామమైన వాసాలమర్రిని ఓఎస్డీ ప్రియాంక వర్గీస్, ఎస్సీ డెవలప్మెంట్ సెక్రెటరీ రాహుల్ బొజ్జా, పంచాయతీ రాజ్ కమిషనర్ శరత్, విమెన్ అండ్ చైల్డ్ వెల్ఫేర్ డిపార్ట్మెంట్ సెక్రెటరీ గీతతో కలిసి విజిట్చేశారు. దళితబంధు లబ్ధిదారుల దగ్గరకు వెళ్లి యూనిట్లను పరిశీలించారు. రైతువేదికలో గ్రామస్తులతో సమావేశం ఏర్పాటు చేసి రైతుబంధు స్కీం అమలుతో పాటు ఊరి సమస్యలడిగి తెలుసుకున్నారు.
‘వాసాలమర్రికి సంబంధించిన అన్ని డిటెయిల్స్ మా దగ్గర ఉన్నాయి. మీరంతా కలిసి ఉండాలి. ఇండస్ట్రీ ఏర్పాటు చేసుకోవాలి. పది మందికి ఉపాధి కల్పించాలి. దీనికి సంబంధించి పంచాయతీ తీర్మానం చేసి పంపించండి. మీ ఊరిని మోడల్ విలేజ్గా తీర్చిదిద్దుతాం’ అని అన్నారు. ప్రభుత్వ విప్ గొంగిడి సునీత, ఎస్సీ కార్పొరేషన్ ఎగ్జిక్యూటివ్ డైరెక్టర్ శ్యామ్, డీఆర్డీఓ ఉపేందర్ రెడ్డి, డీపీఓ సునంద, జడ్పీ వైస్ చైర్మన్ భీకూ నాయక్, ఆర్డీఓ భూపాల్ రెడ్డి, ఎంపీపీ భూక్యా సుశీల, సర్పంచ్ పోగుల ఆంజనేయులు, ఎంపీటీసీ ప్రవీణ్ కుమార్ పాల్గొన్నారు.