కాంగ్రెస్ మేనిఫెస్ట్ : ఆరు గ్యారెంటీలే కాదు.. ఇంకా బోలెడు ఫ్రీలు

తెలంగాణ అసెంబ్లీ ఎన్నికల్లో కాంగ్రెస్ స్పీడ్ పెంచింది. ఇప్పటికే ప్రచారలతో హోరెత్తిస్తున్న ఆ పార్టీ ఇప్పుడు మేనిఫెస్టోపై స్పెషల్ ఫోకస్ పెట్టింది. ఇప్పటికే ఆరు గ్యారెంటీల ప్రకటనలతో ప్రజల్లోకి వెళ్తున్న కాంగ్రెస్ .. మేనిఫెస్టోలో కొన్ని కీలక అంశాలను పరిగణనలోకి తీసుకున్నట్టు తెలుస్తోంది.

తెలంగాణలో అధికారంలోకి వచ్చేందుకు తీవ్ర ప్రయత్నాలు చేస్తున్న హస్తం పార్టీ.. అన్ని వర్గాలను ఆకట్టుకునేలా మేనిఫెస్టో రూపకల్పన చేసింది. రాష్ట్ర పర్యటనలో భాగంగా నవంబర్ 17 శుక్రవారం మధ్యాహ్నం 12:30 గంటలకు ఏఐసీసీ అధ్యక్షుడు, కాంగ్రెస్ ఎంపీ రాహుల్ గాంధీ సమక్షంలో మేనిఫెస్ట్ ను రిలీజ్ చేయనుంది.

అమ్మహస్తం పేరుతో 9 నిత్యావసర వస్తువుల పంపిణీ, గ్రామ వార్డు సభ్యులకు గౌరవ వేతనం, రేషన్ డీలర్లకు గౌరవ వేతనంతో పాటు కమీషన్ వంటివి మేనిఫెస్టోలో పొందుపరచినట్టు సమాచారం.