తెలంగాణ అసెంబ్లీ ఎన్నికల్లో పోలైన ఓట్ల లెక్కింపునకు సంబంధించి ఎలక్షన్ కమిషన్ టైమింగ్స్ డిసైడ్ చేసింది. అన్ని కౌంటింగ్ కేంద్రాల్లోని అధికారులు ఈ సమయాలను ఫాలో కావాలని ఆదేశించింది. ఓట్ల లెక్కింపు, కౌంటింగ్ పూర్తవ్వటం.. అభ్యర్థులకు సర్టిఫికెట్లు జారీ చేయటం వంటి అంశాలకు సంబంధించి ప్రాథమికంగా సమయాలను నిర్దేశించింది.
>>> ఉదయం 5 గంటలకు పోలింగ్ కేంద్రాలకు అధికారులు, సిబ్బంది చేరుకోవాలి.
>>> బ్యాలెట్ బాక్సులు, ఈవీఎంలను కౌంటింగ్ కేంద్రాల్లోకి తీసుకురావటంతోపాటు.. ఇన్ అండ్ ఔట్ చెక్ చేసుకోవాలి.
>>> ఉదయం 8 గంటలకు బ్యాలెట్ ఓట్ల లెక్కింపు ప్రారంభం అవుతుంది.
>>> ఉదయం 8.30 గంటలకు ఈవీఎం ఓట్ల లెక్కింపు ప్రారంభం అవుతుంది.
>>> బ్యాలెట్ ఓట్ల లెక్కింపు 8:30 గంటలకు పూర్తి కాకపోయినా.. ఈవీఎం ఓట్ల లెక్కింపు సమాంతరంగా ఈ ప్రక్రియ సాగుతుంది.
>>> గెలిచిన అభ్యర్థికి సంబంధించి ఎలాంటి అభ్యంతరాలు లేకపోయినట్లయితే.. అతన్ని వెంటనే గెలిచిన అభ్యర్థిగా ప్రకటిస్తూ.. పోలింగ్ స్టేషన్ రిటర్నింగ్ అధికారి సర్టిఫికెట్ జారీ చేస్తారు.
>>> 2023, డిసెంబర్ 3వ తేదీ ఆదివారం సాయంత్రం 4 నుంచి 5 గంటల సమయానికి మొత్తం లెక్కింపు ప్రక్రియ పూర్తి చేయాలని లక్ష్యంగా పెట్టుకున్నది ఎలక్షన్ కమిషన్. అందుకు తగినట్లుగానే ఏర్పాట్లు చేసింది.
>>> ఏదైనా నియోజకవర్గంలో ఓట్ల లెక్కింపు ఆలస్యం అయినా.. పూర్తయ్యే వరకు కొనసాగుతుంది. అన్ని అభ్యంతరాలు క్లియర్ అయిన తర్వాత రిజల్ట్ డిక్లర్ చేస్తారు అధికారులు.
ఓవరాల్ గా ఉదయం 8 గంటలకు ఓట్ల లెక్కింపు ప్రారంభం అయ్యి.. సాయంత్రం 5 గంటలకు ఎలక్షన్ కమిషన్ ప్రక్రియ పూర్తి చేయనుంది. ఫస్ట్ రౌండ్ రిజల్ట్ ఉదయం 9 గంటలకు అధికారికంగా రావొచ్చు.
