- ఒక యోధుని దీక్ష, అమరుల త్యాగం విజయపథం వైపు నడిపింది
- తెలంగాణ జాగృతి అధ్యక్షురాలు కవిత ట్వీట్
హైదరాబాద్, వెలుగు: భౌగోళిక తెలంగాణ సాధించామని, సామాజిక తెలంగాణ సాధిస్తామని తెలంగాణ జాగృతి అధ్యక్షురాలు కవిత శనివారం ఎక్స్లో పోస్ట్ చేశారు. ఒక యోధుని దీక్ష, అమరుల త్యాగం తెలంగాణ ఉద్యమాన్ని విజయపథంవైపు నడిపిందని పేర్కొన్నారు. ‘‘ఒక యోధుని దీక్ష.. అమరుల త్యాగం.. యావత్ తెలంగాణ జాతికి మేలుకొలుపైంది.. ఐక్యతా గీతమైంది.. ఉద్యమ స్ఫూర్తిని నింపింది. తెలంగాణ ఉద్యమాన్ని విజయపథం వైపు నడిపింది. రాష్ట్ర సాధనకు దారి దీపమైంది. భౌగోళిక తెలంగాణ సాధించాం. సామాజిక తెలంగాణ సాధిస్తాం’’ అని అందులో ఆమె రాశారు.
