డిజిటల్ యుగం.. సోషల్ మీడియా.. ఇప్పటి యుగంలో ఇదే రారాజు.. రాజకీయ పార్టీలకు ఇప్పుడు అతి పెద్ద వేదిక కూడా.. అలాంటి సోషల్ మీడియాలో రాజకీయ పార్టీల ప్రచారం అనేది ఇప్పుడు పీక్ లెవల్ కు వెళ్లింది. పత్రికలు, టీవీ ఛానల్స్ సపోర్ట్ లేకుండానే.. కొన్ని రాజకీయ పార్టీలు సోషల్ మీడియా ద్వారా అధికారంలోకి వచ్చిన చరిత్ర.. మన కళ్ల ముందే కనిపిస్తుంది. అలాంటి ప్లాట్ ఫాంలను ఎలా విస్మరించగలరు రాజకీయ పార్టీలు. అందుకే తెలంగాణ అసెంబ్లీ ఎన్నికలు 2023లో.. తెలంగాణ రాజకీయ పార్టీలు డిజిటల్, సోషల్ మీడియాలకు కోట్ల రూపాయలు యాడ్స్ కుమ్మరించాయి.
తెలంగాణలోని అన్ని రాజకీయ పార్టీలు గూగుల్, ఫేస్ బుక్ ద్వారా తమ తమ ప్రచారాన్ని హోరెత్తించాయి. దేశ వ్యాప్తంగా ఐదు రాష్ట్రాల ఎన్నికలతోపాటు.. ఈ ఏడాది రాజకీయ పార్టీలు గూగుల్, ఫేస్ బుక్ లకు అక్షరాల 450 కోట్ల రూపాయల యాడ్స్ ఇచ్చాయి.. ఇక తెలంగాణ అసెంబ్లీ ఎన్నికల ప్రచారాన్ని తీసుకుంటే.. గత నెల రోజుల్లోనే అంటే.. నవంబర్ ఒకటో తేదీ నుంచి నవంబర్ 28వ తేదీ ప్రచారం ముగిసేంత వరకు.. అధికారికంగా.. నేరుగా గూగుల్, ఫేస్ బుక్ లకు అన్ని పార్టీలు కలిపి 25 కోట్ల రూపాయల యాడ్స్ ఇచ్చాయి. ఇందులో గూగుల్ వాటా 20 కోట్లుగా ఉంటే.. ఫేస్ బుక్ వాటా 5 కోట్ల రూపాయలుగా ఉంది. అంతేందుకు గతంలో జరిగిన జీహెచ్ఎంసీ, దుబ్బాక, హుజూరాబాద్, మునుగోడు ఎన్నికల్లోనూ 5 కోట్ల రూపాయలపైనే అన్ని పార్టీలు యాడ్స్ ఇచ్చినట్లు లెక్కలు చెబుతున్నాయి.
గూగుల్, ఫేస్ బుక్ లకు ఎక్కువ యాడ్స్ ఇచ్చిన పార్టీల్లో బీఆర్ఎస్ ఫస్ట్ ప్లేస్ లో ఉంటే.. కాంగ్రెస్ సెకండ్ ప్లేస్ లో ఉంది. ఆ తర్వాత బీజేపీ ఉంది. ఇక బీజేపీ అయితే జాతీయ స్థాయిలో ప్రచారం చేయటం విశేషం. అన్ని పార్టీలు కలిపి 2023, నవంబర్ నెలలోనే 52 వేల స్లాట్స్ ఫిల్ చేశాయి.. ఈ నెల రోజుల్లోనే.. గూగుల్, ఫేస్ బుక్.. తెలుగు రాష్ట్రాల్లో నడిపే యాడ్ స్లాట్స్ లో.. ఇది 57 శాతంగా ఉంది. అంటే ఆ రెండు ప్లాట్ ఫాంలకు రెగ్యులర్ గా వచ్చే యాడ్స్ లో.. 57 శాతం తెలంగాణ రాజకీయ పార్టీలవే కావటం విశేషం. ఇందులో వీడియో, ఇమేజ్ లతోపాటు వెబ్ సైట్స్, ఫేస్ బుక్ పేజీల స్పాన్సర్డులు ఉన్నాయి. మొత్తంగా అన్ని రాజకీయ పార్టీలు 25 కోట్ల రూపాయలు ఖర్చు చేయటం విశేషం.
ఇది జస్ట్ ఓపెన్ లెక్కలు మాత్రమే.. ఇక ప్రైవేట్ గా యూబ్యూట్, ఫేస్ బుక్ పేజీలకు పర్సలన్ గా ఇచ్చిన లెక్కలు వేరు. అదే విధంగా డిజిటల్ ఈ పేపర్లకు ఖర్చు చేసింది అదనం. ఇవన్నీ ఆయా పొలిటికల్ క్యాండెంట్లు వ్యక్తిగతంగా ఇచ్చినవి. మొత్తంగా అధికారికంగా.. గూగుల్, ఫేస్ బుక్ లకు పన్నులు కట్టి నడిపిన యాడ్స్ ఖర్చే 25 కోట్లు అంటే.. ఇక లెక్కలోకి రానివి.. లెక్కలేనవి ఇంకెన్ని ఉంటాయి..
ఏది ఏమైనా తెలంగాణ అసెంబ్లీ ఎన్నికలు 2023లో.. పత్రికలు, టీవీలకు పోటీగా.. అంతకు మించి డిజిటల్, సోషల్ మీడియాలకు ఆయా పార్టీలు ఖర్చు చేసింది ఎక్కువే అనటంలో సందేహం లేదు.. ఇప్పుడే ఇలా ఉంటే.. రాబోయే జనరల్ ఎలక్షన్స్ లో ఇది ఇంకెంత పెరుగుతుందో చూడాలి...
