తెలంగాణ ప్రభుత్వ ఉద్యోగి.. జాతీయ స్థాయిలో సత్తా చాటారు. రాచకొండ కమిషనరేట్ లో అసిస్టెంట్ అకౌంట్స్ ఆఫీసర్( ఏఏఓ)గా విధులు నిర్వహిస్తున్న ప్రదీప్ కుమార్ జాతీయ స్థాయిలో పవర్ లిఫ్టింగ్ లో బంగారు పథకాన్ని సాధించారు.
2024, జూన్ 7 నుంచి 10వ తేదీ వరకు దేశ రాజధాని ఢిల్లీలో జరిగిన జాతీయస్థాయి పవర్ లిఫ్టింగ్ పోటీలను నిర్వహించారు. ఈ పోటీల్లో 83 కిలోల వెయిట్ క్యాటగిరీలో మొత్తం 170 కిలోల డెడ్ లిఫ్ట్ బరువును ఎత్తి ప్రథమ స్తానంతో పాటు బంగారు పథకం కైవసం చేసుకున్నారు.
ఈ సందర్బంగా రాచకొండ పోలిస్ కమిషనర్ తరుణ్ జోషి, ప్రదీప్ కుమార్ ను అభినందించారు. అనంతరం ఆయన మాట్లాడుతూ.. ఈ వయసులో కుడా ఇలా క్రీడలపై మక్కువతో అంచలంచెలుగా రాష్ట్ర, జాతీయ, ప్రపంచస్థాయి పోటీలలో ప్రదీప్ కుమార్ పాల్గొని తెలంగాణ పేరును ప్రపంచస్థాయిలో నిలబెట్టారని ప్రశంసించారు. భవిష్యత్తులో ఇలాంటి విజయాలు మరిన్ని సాధించాలని ఆయన ఆకాంక్షించారు.
