పులి అకస్మాత్తుగా కనిపిస్తే మనం ఎంతలా భయపడతాం.. అలాంటి పరిస్థితే ఓ దట్టమైన అడవిలో ప్రయాణికులు ఎదుర్కొన్నారు. ఇండియన్ ఫారెస్ట్ సర్వీస్ అధికారి పర్వీన్ కస్వాన్ ఉత్తర్ప్రదేశ్లోని కతర్నియాఘాట్ వన్యప్రాణుల అభయారణ్యం గుండా వెళ్తున్న జాతీయ రహదారి పక్కన బెంగాల్ పులి నీరు తాగుతున్న వీడియోను సోషల్ మీడియాలో పంచుకున్నారు. దప్పిక తో ఉన్న ఆ పులి కుంటలో నీటిని తాగి దాహం తీర్చుకుంటున్నది వీడియోలో స్పష్టం గా కనిపిస్తోంది. ఈ దృశ్యాన్ని చూసిన వాహనదారులు రెండు వైపుల తమ వాహనాలను ఎక్కడికక్కడ నిలిపేశారు. "ది రోడ్ స్టాపర్" అని తమకు నచ్చిన రీతిలో సరదాగా కామెంట్లు చేస్తున్నారు. ట్విటర్లో ఈ వీడియోని 40 వేల మందికి పైగా చూశారు.