రాష్ట్రంలోని రెండు రహదారులను నేషనల్ హైవేలుగా కేంద్రం ప్రకటించడం పట్ల బండి సంజయ్ హర్షం వ్యక్తం చేశారు. రాష్ట్ర రహదారులను ఎన్ హెచ్ లు ప్రకటించినందుకు కేంద్రమంత్రి నితిన్ గడ్కరీకి ధన్యవాదాలు తెలిపారు. ఈ రెండు లాంగ్ రూట్స్ జాతీయ రహదారులుగా మారడం వల్ల రాష్ట్రంలో అత్యధిక ప్రాంతానికి కనెక్షన్ ఏర్పడుతుందన్నారు.
NH-167 పై మహబూబ్ నగర్ నుంచి కొడంగల్, తాండూరు, కర్ణాటక లోని చించొలీ ద్వారా కర్ణాటకలోని బాపూర్ జంక్షన్ తో అనుసంధానం చేస్తున్న ఈ రోడ్డుకు జాతీయ రహదారి నంబర్ 167-N గా కేంద్ర రహదారుల మంత్రిత్వ శాఖ ప్రకటించింది. అలాగే NH-30 పై కొత్తగూడెం నుంచి ఇల్లందు, మహబూబాబాద్, నెల్లికుదురు, తొర్రురు, వలిగొండ ద్వారా వెళ్తూ హైదరాబాద్ ఔటర్ రింగ్ రోడ్డుకు గౌరెల్లి దగ్గర కనెక్ట్ అయ్యే ఈ రహదారిని NH-930 P గా ప్రకటించింది.
