రోగమొచ్చిన కోళ్లను తిని అక్క, తమ్ముడు మృతి

V6 Velugu Posted on Aug 18, 2021

తూప్రాన్(మనోహరాబాద్ ), వెలుగు: ఆరోగ్యంగా లేని కోళ్లను కోసుకుని తిన్న అక్కాతమ్ముడు మృతిచెందగా, తల్లికి సీరియస్​గా ఉంది. మనోహరాబాద్ ఎస్సై రాజు గౌడ్ వివరాల ప్రకారం.. మెదక్ ​జిల్లా తూప్రాన్ మండలం వెంకటాయపల్లికి చెందిన మల్లేశ్, బాలమణి భార్యాభర్తలు. మనోహరాబాద్​మండల కేంద్రంలోని ఓ కోళ్ల ఫాంలో పనిచేస్తున్నారు. వీరి పిల్లలు మనీషా(13) కుమార్ (10). రెండు రోజుల క్రితం ఫాంలో పెంచిన కోళ్లను  ఓనర్ ​ఐలయ్య యాదవ్ ​విక్రయించాడు. ఆ టైంలో ఆరోగ్యంగా లేని కొన్ని కోళ్లను బాలమణి షెడ్​లోనే ఉంచింది. వాటిలో కొన్నింటిని సోమవారం రాత్రి కోసి వండింది. మల్లేశ్, ఫాం ఓనర్​ మరో ఫ్రెండ్​తో కలిసి బయట భోజనం చేయగా, బాలమణి, ఆమె పిల్లలు ఇంట్లో చికెన్ ​తిని పడుకున్నారు. మంగళవారం తెల్లవారుజామున ముగ్గురూ తీవ్ర అస్వస్థతకు గురయ్యారు. వెంటనే మల్లేశ్​ వారిని తూప్రాన్ గవర్నమెంట్ హస్పిటల్ కు తీసుకెళ్లాడు. అప్పటికే మనీషా, కుమార్ చనిపోయారు. బాలమణిని  హైదరాబాద్​లోని గాంధీ హాస్పిటల్ కి తరలించారు.

Tagged Died, younger brother, eat, Sister, , diseased chickens

Latest Videos

Subscribe Now

More News