హైదరాబాద్, వెలుగు: రాష్ట్ర వ్యాప్తంగా ఫుడ్ సెఫ్టీ ఆఫీసర్(ఎఫ్ఎస్వో) పోస్టుల భర్తీకి సోమవారం టీఎస్పీఎస్సీ నిర్వహించిన ఎగ్జామ్ ప్రశాంతంగా ముగిసింది. అయితే, అప్లై చేసిన వారిలో సగం మంది మాత్రమే కంప్యూటర్ బేస్డ్ ఎగ్జామ్కు అటెండ్ అయ్యారు. మొత్తం 24 పోస్టులకుగాను16,381 మంది అప్లై చేయగా.. 14,830 మంది అభ్యర్థులు హాల్ టికెట్ డౌన్లోడ్ చేసుకున్నారు. దీంట్లో ఉదయం10 గంటల నుంచి మధ్యాహ్నం 12.30 గంటల వరకు జరిగిన పేపర్ –1 పరీక్షకు 9,488 (57.92%) మంది అంటెండ్ అయ్యారు. ఇక, మధ్యాహ్నం 2.30గంటల నుంచి సాయంత్రం 5గంటల వరకు జరిగిన పేపర్ 2కు 9,535 (58.21%) మంది అటెండ్ అయినట్లు టీఎస్పీఎస్సీ సెక్రటరీ అనితా రాంచంద్రన్ వెల్లడించారు. మొత్తం 16 జిల్లాల్లో 56 కేంద్రాల్లో పరీక్ష నిర్వహించామని.. త్వరలోనే ప్రిలిమినరీ ‘కీ’ రిలీజ్ చేస్తామని పేర్కొన్నారు.
