- బెంగళూరులోని ఓ మాల్లో ఏర్పాటు
- నెట్టింట వైరల్గా మారిన వీడియో
బెంగళూరు: కర్నాటక రాష్ట్రం బెంగళూరులోని ఓ మాల్లో గర్భిణుల కోసం ప్రత్యేకంగా పార్కింగ్ సౌకర్యాన్ని కల్పించారు. దీనికి ‘స్పెషల్ పింక్ పార్కింగ్’ అని పేరు పెట్టారు. ఈ పార్కింగ్ ప్రదేశాన్ని సులభంగా గుర్తించేలా పింక్ రంగుతో అలంకరించి, ‘‘కాబోయే తల్లుల కోసం కేటాయించాం’’ అని రాసి ఉన్న బోర్డును ఏర్పాటు చేశారు.
ఇందుకు సంబంధించిన వీడియోను అక్షయ్రైనా అనే ఓ యూజర్ షేర్చేయగా.. నెట్టింట వైరల్ అవుతున్నది. ఈ కాన్సెప్ట్ చాలా బాగుందని మాల్ నిర్వాహకులను నెటిజన్లు ప్రశంసించారు. ఇది గర్భిణులకు ఎంతో సౌకర్యవంతంగా ఉంటుందని, మిగతా మాల్స్లోనూ ఇలాంటి సౌకర్యాలు కల్పించాలని కోరారు.
