ఊట్కూర్,వెలుగు : తమ ఊరి స్కూల్లో పని చేస్తున్న టీచర్లను వేరే మండలాలకు పంపొద్దని పెద్దపొర్ల విద్యార్థుల తల్లిదండ్రులు డిమాండ్ చేశారు. మంగళవారం విద్యార్థుల తల్లిదండ్రులతో కలిసి, సర్పంచ్ రవికుమార్ డీఈఓ ఆఫీస్లోని సెక్టోరియల్ అధికారి శ్రీనివాస్ కు వినతి పత్రం అందించారు. పెద్దపొర్ల ప్రభుత్వ ప్రాథమిక పాఠశాలలో దాదాపు 220 మంది విద్యార్థులు ఉంటే.. 4 గురు టీచర్లే ఉన్నారని తెలిపారు. ఉపాధ్యాయుల కొరత తీవ్రంగా ఉందని, టీచర్లను ఇతర మండలాలకు పంపొద్దని కోరారు. ఈ కార్యక్రమంలో పెద్దపోర్ల బీజేపీ బూత్ అధ్యక్షులు బోయిన్ పల్లి నరేశ్, బోయిన్ పల్లి వెంకటయ్య, గోవింద్ పాల్గొన్నారు.
