మీ ఇంట్లో ఉప్పు ఉందా? హా..ఉంది. దాని రేటు ఎంత?? కిలో ఓ పదో ఇరవయ్యో ఉంటది. అయినా ఇప్పుడెందుకు ఇవన్నీ అంటారా! ఇందులోనే ఉంది మరి అసలు కథ. మామూలుగా ఏ బ్రాండ్ ఉప్పైనా పది.. ఇరవై మించదు. కానీ, ఓ కొరియన్ ఉప్పు ధర రూ.29392 ఉంది. అలాగని ఏ వందల కిలోలకో కాదు జస్ట్ కిలో ఉప్పు రేటు ఇది. అంతలా ఏముంది ఈ ఉప్పులో! తెలియాలంటే ఈ స్టోరీ చదవాల్సిందే.
ప్రపంచంలోనే అత్యంత ఖరీదైన ఈ ఉప్పు పేరు ‘బ్యాంబో’. పర్పుల్ సాల్ట్ అని కూడా పేరుంది దీనికి. కొరియన్లో అత్యంత పురాతనమైన ఉప్పుల్లో ఇదీ ఒకటి. అక్కడ ప్రతి ఒక్కరి వంటగదిలో ఈ ఉప్పు ఉండాల్సిందే. వారి ట్రెడిషనల్ మందుల్లోనూ ఈ ఉప్పునే వాడతారు కొరియన్లు. అయితే గ్లోబల్ వైడ్ ఈ ఉప్పుకి స్పెషల్ గుర్తింపు రావడానికి కారణం దీని తయారీ.. ఇది తినడం వల్ల కలిగే లాభాలే.
ఇలా తయారుచేస్తారు
సీ సాల్ట్ని బ్యాంబూ బొంగుల్లో వేడి చేసి ఈ సాల్ట్ని తయారుచేస్తారు. ఈ ప్రాసెస్ మొత్తానికి 40 నుంచి 45 రోజులు పడుతుంది. దాదాపు ఎనిమిది సార్లు 800 డిగ్రీల సెల్సియస్లో ఈ బ్యాంబూ బొంగులని హీట్ చేయాలి. చివరిసారి 1,000 డిగ్రీల సెల్సియస్లో వేడి చేయాలి. దీనివల్ల సముద్రపు ఉప్పుకి వెదురులోని మినరల్స్ అన్నీ అందుతాయి. పదేపదే వేడిచేయడం వల్ల సాలిడ్ రాక్ ఆకారంలోకి సముద్రపు ఉప్పు మారుతుంది. దాన్ని చిన్నచిన్న ముక్కలుగా చేసి తర్వాత వంటలు, మెడిసిన్లో వాడతారు. ఈ మొత్తం ప్రాసెస్కి కూలీలు ఎక్కువగా అవసరం అవుతారు. దాంతో తయారీ ఖర్చు పెరుగుతోంది. పైగా పోషకాలు ఎక్కువగా ఉంటాయి ఈ ఉప్పులో. అందుకే కిలో 29392 రూపాయలకి అమ్ముతున్నారు.
లాభాలేంటంటే..
బ్యాంబో సాల్ట్ తినడం వల్ల జీర్ణక్రియ మెరుగుపడుతుంది. దంతాలు, చర్మ ఆరోగ్యం బాగుంటుంది. ఇందులో యాంటీ ఇన్ఫ్లమేటరీ , యాంటీ క్యాన్సర్ గుణాలు ఎక్కువ. రెగ్యులర్గా మనం వాడే ఉప్పులతో పోలిస్తే బ్యాంబో సాల్ట్లో ఐరన్, పొటాషియం, క్యాల్షియం కూడా ఎక్కువ. ఇవి శరీరంలో ఇమ్యూనిటీ, మెటబాలిజంని పెంచుతాయి. ఇన్ని లాభాలుండటం వల్లే ఖర్చు ఎక్కువైనా ఎగబడి కొంటున్నారు కొరియన్లు. అన్నట్టు మనదగ్గరా కొన్ని సూపర్ మార్కెట్స్లో ఈ ఉప్పు అందుబాటులో ఉంది.