ప్రభాస్ హీరోగా మారుతి రూపొందిస్తున్న పాన్ ఇండియా చిత్రం ‘ది రాజా సాబ్’. తాజాగా ఫస్ట్ సాంగ్ అప్‌‌‌‌డేట్ అందించారు మేకర్స్. ఈనెల 23న మొదటి పాటకు ముహూర్తం ఫిక్స్ చేసినట్టు ప్రకటించారు. ఈ సందర్భంగా రిలీజ్ చేసిన ప్రభాస్ కొత్త పోస్టర్ ఆకట్టుకుంది. ఇందులో స్టైలిష్ లుక్‌‌‌‌లో మెస్మరైజ్ చేస్తున్నాడు ప్రభాస్.
కలర్‌‌‌‌‌‌‌‌ఫుల్ బ్యాక్‌‌‌‌గ్రౌండ్ మధ్యన స్టైలిష్ డ్యాన్స్‌ మూమెంట్‌‌‌తో ఇంప్రెస్ చేస్తున్నాడు. తమన్ కంపోజ్ చేసిన ఈ సాంగ్ క్రేజీగా ఉండనుందని మేకర్స్ చెప్పారు. హారర్ కామెడీ జానర్‌లో ఎవర్ గ్రీన్ మూవీగా నిలిచిపోయేలా ఈ చిత్రాన్ని రూపొందిస్తున్నాం అని అన్నారు.
మాళవిక మోహనన్, నిధి అగర్వాల్, రిద్ధి కుమార్ హీరోయిన్స్‌గా నటిస్తున్న ఈ చిత్రంలో సంజయ్ దత్ కీలక పాత్రలో కనిపించనున్నారు. టీజీ విశ్వ ప్రసాద్ భారీ బడ్జెట్‌‌‌‌తో ఈ చిత్రాన్ని నిర్మిస్తున్నారు. సంక్రాంతి సందర్భంగా జనవరి 9న వరల్డ్‌‌‌‌వైడ్‌‌‌‌గా సినిమా విడుదల కానుంది.
