‘యశోద’ లాంటి యాక్షన్ థ్రిల్లర్ తర్వాత ‘శాకుంతలం’ లాంటి పౌరాణిక చిత్రంతో ప్రేక్షకుల ముందుకొస్తోంది సమంత. గుణశేఖర్‌ దర్శకత్వం వహిస్తున్న ఈ సినిమా నుండి ‘మధుర గతమా’ అనే పాటను విడుదల చేశారు. మణిశర్మ కంపోజ్ చేసిన ఈ పాటను అర్మాన్ మాలిక్, శ్రేయా ఘోషల్ పాడారు. ఎమోష‌‌‌‌న‌‌‌‌ల్ టచ్‌‌‌‌తో, భార్యాభ‌‌‌‌ర్తల మ‌‌‌‌ధ్య అనుబంధాన్ని తెలియ‌‌‌‌జేసేలా లిరిక్స్ రాశారు శ్రీమణి. దుష్యంతుడి ప్రేమకు, పెళ్లికి గుర్తుగా ఇచ్చిన ఉంగరాన్ని పోగొట్టుకుంటుంది శకుంతల. మరోవైపు ముని శాపంతో శకుంతలను మర్చిపోతాడు దుష్యంతుడు. ఆ సందర్భంలో ‘మధుర గతమా.. కాలాన్నే ఆప‌‌‌‌కా.. ఆగావే సాగ‌‌‌‌కా.. అంగుళిక‌‌‌‌మా.. జాలైనా చూప‌‌‌‌కా.. చేజారావే వంచికా..’ అంటూ శకుంతల పాడుతున్నట్టుగా ఉందీ పాట. దుష్యంతుడిగా దేవ్‌ మోహన్ నటిస్తున్న ఈ చిత్రంలో మోహన్ బాబు, ప్రకాష్ రాజ్, మధుబాల, గౌతమి, అదితి బాలన్, అనన్య నాగళ్ల, జిసు సేన్ గుప్తా ఇతర ముఖ్యపాత్రలు పోషిస్తున్నారు. దిల్ రాజు సమర్పణలో నీలిమ గుణ నిర్మిస్తున్నారు. ఏప్రిల్‌ 14న తెలుగుతో పాటు తమిళ, కన్నడ, మలయాళ, హిందీ భాషల్లో త్రీడీలో విడుదల కానుంది.
