హైదరాబాద్, వెలుగు: రాహుల్గాంధీ ప్రసంగంలోని ‘పంచ్’ తెలుగు అనువాదంలో మిస్ అయింది. టీఆర్ఎస్ సర్కార్పై, కేసీఆర్పై రాహుల్ పదునైన విమర్శలు చేశారు. కానీ దాన్ని తెలుగులో అనువదించి చెప్పే క్రమంలో ఆ పంచ్ లేకుండా పోయిందని కొందరు నేతలు వ్యాఖ్యానించారు. ఎమ్మెల్యే దుద్దిళ్ల శ్రీధర్బాబు రాహుల్ స్పీచ్ను తెలుగులోకి అనువదించారు. కేసీఆర్ సీఎం కాదని, ఆయన ఒక రాజు అంటూ రాహుల్ రెండింటికి మధ్య తేడా ఏమిటో సూటిగా వివరించారు. కేసీఆర్పై రాహుల్ చేసిన కామెంట్లను, ఆయన మాట తీరును అనువాదంలో శ్రీధర్బాబు ప్రతిబింబించలేకపోయారని కొందరు నేతలు అన్నారు. చాలా చోట్ల రాహుల్ చెప్పిన విషయానికి ‘మనవి చేస్తున్నాను’ అనే మాటను అనువాదంలో చేర్చడం కూడా రాహుల్ స్పీచ్ సీరియస్నెస్ను దెబ్బతీసింది. కేసీఆర్ సర్కార్పై తమ పోరాటాన్ని రాహుల్ గట్టిగా చెప్పారు. ఎంత పెద్ద నేత అయినా సరే టీఆర్ఎస్కు మద్దతు పలికినా, ఆ పార్టీతో పొత్తు కోరినా కాంగ్రెస్ నుంచి బయటకు పంపుతామని ఆయన హెచ్చరించారు. అయితే వీటితోపాటు అనేక విషయాలు అనువాదంలో సాదాసీదాగా అనిపించాయని కొందరు నేతలు వ్యాఖ్యానించారు.
