- విమోచనం’ అంటున్న బీజేపీ, స్వాతంత్ర్యం’ అంటున్న కాంగ్రెస్
- ‘సమైక్యత’ అంటున్న బీఆర్ఎస్
- హైదరాబాద్లో ఒకే రోజు అమిత్షా, సోనియా గాంధీ, కేసీఆర్ సభలు
హైదరాబాద్, వెలుగు: నిజాం పాలన నుంచి తెలంగాణకు విముక్తి లభించిన ‘సెప్టెంబర్17’పై రాష్ట్రంలో పొలిటికల్ హీట్ రాజుకుంది. బీజేపీ, కాంగ్రెస్, బీఆర్ఎస్.. ఒక్కో పేరుతో ఒక్కో రకంగా పోటాపోటీగా ఉత్సవాలు, సభలు నిర్వహించేందుకు రెడీ అవుతున్నాయి. కేంద్ర హోం మంత్రి అమిత్షా, కాంగ్రెస్ అగ్రనేత సోనియాగాంధీ, సీఎం కేసీఆర్అదే రోజు విడివిడిగా సభల్లో పాల్గొని మాట్లాడనున్నారు. కేంద్రంలోని బీజేపీ ప్రభుత్వం తొలిసారిగా నిరుడు అధికారికంగా సికింద్రాబాద్ పరేడ్ గ్రౌండ్లో విమోచన వేడుకలు జరిపింది. ఇప్పుడు కూడా అక్కడే అదే పేరుతో వేడుకలు నిర్వహిస్తామని ప్రకటించింది. ఈ వేడుకలకు అమిత్షా హాజరుకానున్నారు. అదేవిధంగా ఈసారి ఫస్ట్ టైమ్ ఢిల్లీలోని రాష్ట్రపతి భవన్లో కూడా వేడుకలు జరుగనున్నాయి. కాంగ్రెస్ పార్టీ ‘తెలంగాణ స్వాతంత్ర్య
దినోత్సవం’ పేరుతో వేడుకలు నిర్వహించేందుకు సిద్ధమైంది. ఈ నెల 16, 17 తేదీల్లో హైదరాబాద్వేదికగా కాంగ్రెస్ వర్కింగ్ కమిటీ (సీడబ్ల్యూసీ) సమావేశాలు నిర్వహిస్తున్న ఆ పార్టీ.. సోనియాగాంధీ నేతృత్వంలో తుక్కుగూడలో ఈ నెల 17న భారీ బహిరంగ సభ జరుపనుంది.
ఇక, నిరుటి తరహాలోనే రాష్ట్ర ప్రభుత్వం.. సెప్టెంబర్17న తెలంగాణ జాతీయ సమైక్యతా దినోత్సవాన్ని నిర్వహించనున్నట్లు ఆదివారం ప్రకటించింది. పార్టీ పరంగానూ ఈ వేడుకలు నిర్వహించాలని నాయకులకు బీఆర్ఎస్ పిలుపునిచ్చింది. రాష్ట్ర అసెంబ్లీకి త్వరలో ఎన్నికలు ఉండటంతో సెప్టెంబర్ 17 వేడుకలను అట్టహాసంగా నిర్వహించే ప్రయత్నాల్లో ప్రధాన పార్టీలు నిమగ్నమయ్యాయి.
కమ్యూనిస్టు పార్టీలు కూడా..
సీపీఎం ఈ నెల పదో తేదీ నుంచి 17 వరకు వీర తెలంగాణ సాయుధ పోరాట వారోత్సవాలు నిర్వహిస్తున్నది. ఈ ఉత్సవాల్లో భాగంగా ఆదివారం హైదరాబాద్లో చాకలి ఐలమ్మ వర్ధంతి సభ జరిపారు. ఈ సభకు ముఖ్య అతిథిగా పార్టీ పొలిట్బ్యూరో మెంబర్ బృందా కరత్హాజరయ్యారు. సీపీఐ ఈ నెల 11 నుంచి 17 వరకు రాష్ట్ర వ్యాప్తంగా తెలంగాణ సాయుధ పోరాట వారోత్సవాలు నిర్వహిస్తున్నది. 17న హైదరాబాద్లో భారీ బహిరంగ సభ జరుపనుంది.
జాతీయ సమైక్యత దినోత్సవంజరుపుతం: కేటీఆర్
భారత సమాఖ్యలో తెలంగాణ విలీనమైన సెప్టెంబర్ 17ను జాతీయ సమైక్యత దినోత్సవంగా నిర్వహించుకోవాలని రాష్ట్ర ప్రజలకు, బీఆర్ఎస్ కేడర్కు మంత్రి కేటీఆర్ ఆదివారం ఒక ప్రకటనలోపిలుపునిచ్చారు. రాష్ట్ర ప్రభుత్వమే పెద్ద ఎత్తున ఈ ఉత్సవాలు నిర్వహిస్తుందని చెప్పారు. సీఎం కేసీఆర్హైదరాబాద్లో వేడుకల్లో పాల్గొంటారని, జిల్లా కేంద్రాల్లో మంత్రులు, ఇతర ముఖ్యులు జాతీయ జెండా ఎగురవేస్తారని ఆయన తెలిపారు. ‘‘జాతీయ సమైక్యతకు ప్రతీకగా నిలిచే ఈ సందర్భాన్ని వక్రీకరించి తమ సంకుచిత స్వార్థ రాజకీయ ప్రయోజనాలను నెరవేర్చుకోవాలని విచ్ఛిన్నకర శక్తులు ఎత్తుగడలు వేస్తున్నయ్. ఆనాటి చరిత్ర, పరిణామాలతో సంబంధమే లేని అవకాశవాదులు, చిల్లర రాజకీయాలతో చరిత్రను వక్రీకరించి మలినం చేసేందుకు ప్రయత్నిస్తున్నయ్” అని కేటీఆర్ దుయ్యబట్టారు.
నిరుటి లెక్కనే సీఎంకు కేంద్రం ఆహ్వానం
కేంద్ర ప్రభుత్వం ఆధ్వర్యంలో సికింద్రాబాద్ పరేడ్గ్రౌండ్ లో ఈ నెల 17న తెలంగాణ విమోచన దినోత్సవం జరుగనుంది. దీనికి నిరుటి మాదిరిగానే సీఎం కేసీఆర్కు ఆహ్వానం పంపనున్నట్లు ఇప్పటికే కేంద్ర మంత్రి కిషన్రెడ్డి ప్రకటించారు. పార్టీలకు అతీతంగా కేంద్ర ప్రభుత్వం అధికారికంగా జరుపుతున్న వేడుక ఇది అని, అందరూ హాజరుకావాలని ఆయన కోరారు. ‘‘నిజాం ఏలుబడిలోని హైదరాబాద్స్టేట్లో అంతర్భాగంగా ఉండి ఇప్పుడు మహారాష్ట్ర, కర్నాటకలో విలీనమైన ప్రాంతాల్లోనూ విమోచన దినోత్సవం నిర్వహిస్తం. హైదరాబాద్లో నిర్వహించే వేడుకలకు ఆయా రాష్ట్రాల సీఎంలను ఆహ్వానిస్తం. ఢిల్లీలోని రాష్ట్రపతి భవన్లో రాష్ట్రపతి ద్రౌపది ముర్ము జాతీయ జెండా ఆవిష్కరిస్తరు” అని కిషన్రెడ్డి చెప్పారు.
ఐదు గ్యారంటీలు ప్రకటించనున్న సోనియా
ఈ నెల 16, 17 తేదీలో హైదరాబాద్లో కాంగ్రెస్ వర్కింగ్ కమిటీ (సీడబ్ల్యూసీ) సమావేశాలు జరుగనున్నాయి. సెప్టెంబర్17ను తెలంగాణ స్వాతంత్ర్య దినోత్సవం పేరుతో వేడుకలు నిర్వహించేందుకు కాంగ్రెస్ ఏర్పాట్లు చేస్తున్నది. అదే రోజు తుక్కుగూడలో భారీ సభ జరుపనుంది. ఇదే సభ వేదిక నుంచి రాష్ట్ర ప్రజలకు సోనియాగాంధీ కాంగ్రెస్పార్టీ తరఫున ఐదు గ్యారంటీలను ప్రకటించనున్నారు.
హైదరాబాద్లో ఆదివారం సాయంత్రం వాన దంచికొట్టింది. ఉదయం నుంచి ఆకాశం మబ్బు పట్టి ఉన్నప్పటికీ సాయంత్రం 4 గంటలకు ఒక్కసారిగా భారీ వర్షం మొదలైంది. రెండు గంటల పాటు వాన పడగా.. లోతట్టు ప్రాంతాలు జలమయం అయ్యాయి. మెయిన్ రోడ్లు మొదలుకొని కాలనీల రోడ్లపై అంతా
నీరు నిలిచి ప్రజలు ఇబ్బందులుపడ్డారు.
