ఆమనగల్లు, వెలుగు: పోడు భూములకు పట్టాలు ఇవ్వాలని కోరుతూ కడ్తల్ మండలం పల్లె చెల్కతండాకు చెందిన గిరిజనులు సోమవారం మండల కేంద్రంలో ర్యాలీ నిర్వహించి, హైవేపై రాస్తారోకో చేశారు. ఈ సందర్భంగా వారు మాట్లాడుతూ తండాకు చెందిన 300 కుటుంబాలు 3 తరాలుగా పోడు భూములను సాగు చేసుకుంటున్నామని చెప్పారు.
కొన్నేండ్లుగా అటవీశాఖ అధికారులు తమ ఇండ్లను ధ్వంసం చేస్తూ ఇబ్బందులు పెడుతున్నారని ఆరోపించారు. తాము సాగు చేస్తున్న భూములకు హక్కులు కల్పించాలని కోరారు. అనంతరం తహసీల్దార్, జడ్పీటీసీకి వినతిపత్రం అందజేశారు. సర్పంచ్ లోకేశ్నాయక్, గిరిజనులు పాల్గొన్నారు.
