న్యూఢిల్లీ: పార్లమెంట్ కార్యకలాపాలను అడ్డుకుని సస్పెండ్ అయిన నలుగురు కాంగ్రెస్ ఎంపీలు మాణిక్కం ఠాగూర్, రమ్యా హరిదాస్, టీఎన్ ప్రతాపన్, ఎస్ జ్యోతిమణిపై సస్పెన్షన్ను లోక్సభ స్పీకర్ ఓం బిర్లా ఎత్తేశారు. సభా కార్యక్రమాలను అడ్డుకుంటున్నారని వారం క్రితం వీరిని వర్షాకాల సమావేశాల్లో పాల్గొనకుండా సస్పెండ్ చేయగా.. అప్పటి నుంచి వీరు పార్లమెంట్ ముందు నిరసన తెలుపుతున్నారు.
ఇకపై సభలోకి ప్లకార్డులు తీసుకురాబోమని ప్రతిపక్షాలు హామీ ఇవ్వడంతో స్పీకర్ వీరిపై సస్పెన్షన్ను ఎత్తేశారు. ఇకపై సభలోకి ప్లకార్డులు ఎవరు తెచ్చినా వేటు తప్పదని.. ఇదే ఫైనల్ వార్నింగ్ అని స్పీకర్ హెచ్చరించారు. ఎంపీలపై సస్పెన్షన్ ఎత్తేయడంతో లోక్సభలో కార్యకలాపాలు సజావుగా నడిచాయి.
