కీసర, వెలుగు: తన కాలేజీలకు అనుమతి తెచ్చుకునే మంత్రి మల్లారెడ్డి.. మేడ్చల్లో ప్రభుత్వ డిగ్రీ కాలేజీకి ఎందుకు అనుమతి తేలేకపోయారని ఆ సెగ్మెంట్ కాంగ్రెస్ అభ్యర్థి తోటకూర వజ్రేశ్ యాదవ్ ప్రశ్నించారు. ఎన్నికల ప్రచారంలో భాగంగా శుక్రవారం నాగారాం మున్సిపాలిటీ రాంపల్లిలోని అంబేద్కర్ చౌరస్తా వద్ద ఏర్పాటు చేసిన కార్నర్ మీటింగ్కు ఆయన చీఫ్ గెస్టుగా హాజరై మాట్లాడారు.
ఈ ఎన్నికల్లో జనం బీఆర్ఎస్ను ఓడించి ఇంటికి పంపుడు ఖాయమన్నారు. తన కాలేజీలకు అడ్మిషన్లు తగ్గుతాయనే ఉద్దేశంతో మల్లారెడ్డి మేడ్చల్కు ప్రభుత్వ డిగ్రీ కాలేజీని తీసుకురావట్లేదని వజ్రేశ్ ఆరోపించారు. మల్లారెడ్డిని ఓడించి ఇంటికి పంపాలన్నారు. తనను భారీ మెజా ర్టీతో గెలిపించాలని కోరారు.
వజ్రేశ్ను భారీ మెజార్టీతో గెలిపించుకుంటాం
తోటకూర వజ్రేశ్ యాదవ్ను భారీ మెజార్టీతో గెలిపించుకుంటామని కాంగ్రెస్ దమ్మాయిగూడ వర్కింగ్ ప్రెసిడెంట్ సామల శ్రీనివాస్ రెడ్డి తెలిపారు. దమ్మాయిగూడ మున్సిపాలిటీలో వజ్రేశ్ యాదవ్ తరఫున ఇంటింటికి తిరుగుతూ ఆయన ప్రచారం నిర్వహించారు.
