- చేతనైన సాయం కోసం తెలిసినోళ్లు, తెలియనోళ్లందరికీ రిక్వెస్టులు
- 2 కోట్లు పోగు చేశారు
- ఆక్సిజన్ కాన్సంట్రేటర్లు, వెంటిలేటర్లు కొని ఢిల్లీకి పంపుతున్నారు
- వాడుకున్నోళ్లు తిరిగివ్వాలని సూచన
వాషింగ్టన్: మన దేశంలో కరోనా మరణాలను చూసి ముగ్గురు అమెరికన్ చిన్నారులు చలించిపోయారు. తమ వల్ల అయిన సాయం చేయాలని ఫండ్స్ కలెక్ట్ చేయడం మొదలెట్టారు. మన దేశ మూలాలున్న ముగ్గురు చిన్నారులు జియా, కరీనా, ఆర్మన్ గుప్తా ఒకేతల్లి కడుపున, ఒకేసారి పుట్టారు. వయసు పదిహేనేళ్లు. ఇప్పటికే ‘లిటిల్ మెంటార్స్’ పేరుతో ఓ ఎన్జీవోను నడుపుతున్నారు. ఇండియాలోని కరోనా పేషెంట్లకు సాయం చేయాలంటూ వారు తమ ఫ్రెండ్స్ను, తెలిసినోళ్లను, తెలవనోళ్లను అందరినీ రిక్వెస్ట్ చేశారు. వాళ్లిచ్చిన డాలర్లను పోగేస్తే మొత్తం 2 లక్షల 80 వేల డాలర్లు జమైనయ్.. అంటే మన రూపాయల్లో 2 కోట్ల పైమాటే! ఈ డబ్బుతో ఆక్సిజన్ కాన్సంట్రేటర్లు, వెంటిలేటర్లు వంటి కరోనా పేషెంట్లకు అవసరమయ్యే మెషిన్లను కొన్నరు. వాటిని ఢిల్లీతో పాటు చుట్టుపక్కల ఏరియాల్లోని కరోనా పేషెంట్లకు పంపిస్తరట. ఈ మెషిన్లను అందుకున్నోళ్లకు వారు ఓ రిక్వెస్ట్ కూడా చేస్తున్నారు.. మీ అవసరం తీరినంక వాటిని తిరిగివ్వండి. మరొకరికి అవి ఉపయోగపడతయి అంటున్నారు.
