- ముగ్గురు కౌన్సిలర్లు, అర్బన్ బ్యాంక్ డైరెక్టర్ రాజీనామా
రాజన్నసిరిసిల్ల,వెలుగు : కేటీఆర్ సొంత నియోజకవర్గం సిరిసిల్లలో బీఆర్ఎస్ పార్టీకి షాక్ తగిలింది. సిరిసిల్ల అర్బన్ బ్యాంక్ డైరెక్టర్‌‌‌‌‌‌‌‌తోపాటు ముగ్గురు బల్దియా కౌన్సిలర్లు ఆ పార్టీకి రాజీనామా చేస్తున్నట్లు శనివారం ప్రకటించారు. 13వ వార్డు కౌన్సిలర్ నేరేళ్ల శైలజ, 25వ కౌన్సిలర్ కురిక్యాల రవి, 21వ కౌన్సిలర్ వేములవాడ రవి, అర్బన్ బ్యాంక్ డైరెక్టర్ నేరేళ్ల శ్రీకాంత్ గౌడ్ తమ రాజీనామా లెటర్లను పార్టీ వర్కింగ్ ప్రెసిడెంట్
ఎమ్మెల్యే కేటీఆర్, జిల్లా అధ్యక్షుడు తోట ఆగయ్యకు పంపారు. ఈ సందర్భంగా వారు మాట్లాడుతూ కేటీఆర్ మంత్రిగా ఉన్నా తమ వార్డుల అభివృద్ధికి ఒక్క పైసా ఇవ్వలేదని, తమను గెలిపించిన ప్రజలకు సమాధానం చెప్పలేకనే పార్టీకి రాజీనామా చేస్తున్నామన్నారు. వీరు త్వరలో కాంగ్రెస్లో చేరనున్నట్లు సమాచారం.
జంపింగ్కు మరో ఐదుగురు రెడీ..
కాగా బీఆర్ఎస్ పార్టీకి మరో ఐదుగురు కౌన్సిలర్లు రాజీనామా చేసేందుకు సిద్ధంగా ఉన్నట్లు తెలుస్తోంది. అధికారం కోల్పోయాక కేటీఆర్ సొంత నియోజకవర్గంలోనే ఆ పార్టీ లీడర్లు ఇతర పార్టీల్లోకి వలస పోతున్నారు. నెల కింద ముస్తాబాద్ మండలంలోని 8 గ్రామాలు సర్పంచులు, జడ్పీటీసీ గుండం నర్సయ్య, ఇటీవల ఎల్లారెడ్డిపేట మేజర్ జీపీ తాజా మాజీ సర్పంచ్ నేవూరి వెంకట్‌‌‌‌రెడ్డి బీఆర్ఎస్కు గుడ్‌‌‌‌బై చెప్పారు.
వలసలతో క్యాడర్‌‌‌‌‌‌‌‌ను కాపాడుకునేందుకు కేటీఆర్ సహా ఇతర ముఖ్య లీడర్లు ఇబ్బందులు పడ్తున్నట్లు తెలుస్తోంది. ఈ విషయంలో కేటీఆర్ ఆందోళనలో ఉన్నట్లు ఆయన సన్నిహితులు చెబుతున్నారు.
కౌన్సిలర్‌‌‌‌‌‌‌‌కు బుజ్జగింపులు
రాజీనామా చేసినట్లు ప్రకటించడంతో సాయంత్రం బీఆర్ఎస్ జిల్లా అధ్యక్షుడు తోట ఆగయ్య, మాజీ టైక్స్‌‌‌‌టైల్స్‌ పవర్‌‌‌‌‌‌‌‌లూమ్ కార్పొరేషన్‌ చైర్మన్ గుడూరి ప్రవీణ్.. కౌన్సిలర్ నేరేళ్ల శైలజ ఇంటికి వెళ్లి బుజ్జగించారు. అయినప్పటికీ ఆమె పార్టీకి మారేందుకు నిశ్చయించుకున్నట్లు తెలిసింది.
