నిజామాబాద్ జిల్లాలో ఓ కాం ట్రాక్టర్ ఘాతుకం
పనికి రావడం లేదన్న అక్కసుతో పద్నాలుగేండ్ల పిల్లవాడిని ఓ కాంట్రాక్టర్ చిత్రహింసలకు గురిచేశాడు. అతని కాళ్లను తాడుతో కట్టేసి రోడ్డుమీద గొర్రగొర్ర గుంజుకుపోయాడు. ఏడుస్తున్నా వినిపించుకోలేదు. ఈ ఘటన నిజామాబాద్ జిల్లా మల్కాపూర్–ఎ గ్రామంలో జరిగింది. గ్రామానికి చెందిన బాలయ్య అనే కాం ట్రాక్టర్ అదే ఊరికి చెందిన మైనర్ను తన వద్ద పనిలో పెట్టుకున్నాడు. పనికి సరిగా రావడం లేదని బుధవారం పిల్లవాడి ఇంటికి కాంట్రాక్టర్ వెళ్లి ఇలా దాడికి పాల్పడ్డాడు. బాధితుడి తల్లి ఫిర్యాదు మేరకు పోలీసులు కేసు దర్యాప్తు చేస్తున్నారు.
‑ వెలుగు, నిజామాబాద్ క్రైమ్
