ముంబై: గుజరాత్ టైటాన్స్తో జరిగిన మ్యాచులో ముంబై ఇండియన్స్ బ్యాటర్ తిలక్ వర్మ విధ్వంసం సృష్టించాడు. కేవలం 45 బంతుల్లోనే అజేయ శతకంతో వీరవిహారం చేసి ముంబైకు ఘన విజయాన్ని అందించాడు. అయితే, ఈ మ్యాచులో ఓ ఆసక్తికర పరిణామం చోటు చేసుకుంది. తిలక్ వర్మ మొదట చాలా స్లోగా బ్యాటింగ్ చేశాడు. అభిమానులకు కూడా ఆ బ్యాటింగ్ చూసి అబ్బా ఇదేమీ ఆట రా సామీ అనిపించింది. దీంతో స్ట్రాటజిక్ టైమ్ ఔట్ సమయంలో తిలక్ వర్మతో ముంబై కెప్టెన్ హార్ధిక్ పాండ్యా చాలా అగ్రెసివ్గా మాట్లాడాడు.
ఆ తర్వాత నుంచి తిలక్ పునకాలు వచ్చిన మాదిరిగా రెచ్చిపోయి ఫోర్లు, సిక్సర్ల వర్షం కురిపించాడు. దీంతో తిలక్ వర్మతో పాండ్యా మాట్లాడిన వీడియో సోషల్ మీడియాలో వైరల్గా మారింది. ఈ వీడియో చూసిన నెటిజన్లు ఇంతకీ పాండ్యా తిలక్ను మోటివేట్ చేశాడా.. లేక స్లోగా బ్యాటింగ్ చేస్తున్నావని చివాట్లు పెట్టాడా అని నెట్టింట జోరుగా చర్చ జరుగుతోంది. తాజాగా దీనిపై తిలక్ క్లారిటీ ఇచ్చాడు..
బాయ్.. కాస్తా కూల్గా ఉండు.. నేను చూస్కుంటా: తిలక్
మ్యాచ్ మధ్యలో కెప్టెన్ హార్ధిక్ పాండ్యాతో జరిగిన అగ్రెసివ్ డిస్కషన్ గురించి తిలక్ వర్మ వివరణ ఇచ్చాడు. ‘‘హార్ధిక్ బాయ్ చాలా ఉత్సాహవంతుడు. మ్యాచ్ సమయంలో ఆయన ఎనర్జీటిక్గా ఉండటమే కాకుండా నన్ను కూడా చాలా ప్రోత్సాహించాడు. నువ్వు ఆడాగలవు.. నువ్వు ఆడతావు అంటూ పదే పదే మోటివేట్ చేశాడు. కానీ ఆ ఒత్తిడి సమయంలో నేను ఏకాగ్రతతో ఉండాలి కాబట్టి బాయ్ నువ్వు కాస్తా ప్రశాంతంగా ఉండమని చెప్పా. మిగతాది నేను చూసుకుంటానని ఆయనకు హామీ ఇచ్చా’’ అని ఇద్దరి మధ్య జరిగిన సంభాషణ వివరాలను వెల్లడించాడు తిలక్.
