ప్రముఖ మీడియా సంస్థ టైమ్స్ ఆఫ్ ఇండియా ప్రకటించిన ‘మోస్ట్ డిజైరబుల్ మెన్ ఇన్ ఇండియా’ జాబితాలో బాలీవుడ్ హీరోలు షాహిద్ కపూర్, రణవీర్ సింగ్ లు నిలిచారు. మూడో స్థానంలో టాలీవుడ్ హీరో విజయ్ దేవరకొండ నిలిచాడు. లిస్టులోని టాప్ 10లో టాలీవుడ్ నుంచి విజయ్ దేవరకొండ మాత్రమే ఉన్నాడు. మరే తెలుగు హీరో టాప్ 10లో స్థానాన్ని దక్కించుకోలేకపోయాడు. గత కొంత కాలంగా విజయ్ దేవరకొండకు సరైన హిట్ రాలేదు. అయినప్పటికీ ప్రేక్షకుల్లో క్రేజ్ మాత్రం తగ్గలేదు. ప్రస్తుతం పూరి జగన్నాథ్ దర్శకత్వంలో విజయ్ నటిస్తున్నాడు. ప్యాన్ ఇండియా మూవీగా తెరకెక్కుతున్న ఈ సినిమా షూటింగ్ కరోనా కారణంగా ప్రస్తుతానికి వాయిదా పడింది.
