టీఆర్ఎస్ ను గెలిపిస్తే మునుగోడు నియోజకవర్గాన్ని దత్తత తీసుకుంటానని బైపోల్ ప్రచారం సందర్భంగా ఇచ్చిన హామీపై మంత్రి కేటీఆర్ దృష్టిపెట్టారు. ఇందులో భాగంగా నియోజకవర్గ సమస్యలపై సమీక్షించడానికి మరో నలుగురు రాష్ట్ర మంత్రులు జగదీశ్ రెడ్డి, వేముల ప్రశాంత్ రెడ్డి, ఎర్రబెల్లి దయాకర్ రావు, సత్యవతి రాథోడ్ లతో కలిసి డిసెంబరు 1న (గురువారం) మంత్రి కేటీఆర్ మునుగోడుకు వెళ్లనున్నారు.
స్థానిక సమస్యలు, అభివృద్ధి పనులపై ఉదయం 11 గంటల నుంచి మధ్యాహ్నం 1 గంటల వరకు మునుగోడు పట్టణంలోని ధనలక్ష్మి ఫంక్షన్ హాల్లో సమీక్ష సమావేశం జరగనుంది. ఈ మీటింగ్లో చర్చించేందుకు మునుగోడు నియోజకవర్గ సమస్యలపై ఉన్నతాధికారులు ఒక నివేదికను రూపొందించారని తెలుస్తోంది. రోడ్లు, గ్రామ పంచాయతీ భవనాలు, డబుల్ బెడ్ రూమ్ ఇళ్లు, మున్సిపాలిటీల్లో నెలకొన్న సమస్యలు కేంద్రంగా సమావేశం జరగొచ్చని అంచనా వేస్తున్నారు.
