న్యూఢిల్లీ: డీమాట్ ఖాతాల సంఖ్య ఈ ఏడాది ఏప్రిల్లో11.6 కోట్లకు చేరింది. నిఫ్టీ 50 ఇండెక్స్ ఏప్రిల్ నెలలో 4శాతం పెరిగింది. దేశీయ మార్కెట్లోకి విదేశీ సంస్థాగత ఇన్వెస్టర్ల నుంచి బలమైన ఇన్ఫ్లోలు రావడం, ఇన్ఫ్లేషన్ తగ్గడంతో రిజర్వ్ బ్యాంక్ వడ్డీ రేట్ల పెంపుదల లేకపోవడం ర్యాలీకి దారితీశాయి. పాజిటివ్ ఇన్వెస్టర్ సెంటిమెంట్ కూడా రోజువారీ ట్రేడింగ్ కార్యకలాపాల్లో పెరుగుదలకు కారణమయింది.
బ్రోకరేజ్ మోతీలాల్ ఓస్వాల్ నివేదిక ప్రకారం, కొత్త ఖాతాల సంఖ్య (ఇంక్రిమెంటల్గా) మార్చిలో 19 లక్షల నుండి 18శాతం తగ్గి 16 లక్షలకు పడిపోయింది. 2023 ఆర్థిక సంవత్సరంలో వచ్చిన సగటు కొత్త ఖాతాలతో పోలిస్తే ఈ సంఖ్య చాలా తక్కువని తెలిపింది. గత ఆర్థిక సంవత్సరంలో 21 లక్షల డీమాట్ ఖాతాలు ఓపెన్ అయ్యాయి.