కాశీబుగ్గ, వెలుగు: రివర్స్ చార్జ్ మెకానిజం(ఆర్సీఎం) ఎత్తేయాలంటూ వరంగల్ఏనుమాముల వ్యవసాయ మార్కెట్లోని వ్యాపారులు మంగళవారం కొనుగోళ్లు బంద్చేసి ఆందోళన చేపట్టారు. చాంబర్ ఆఫ్ కామర్స్ ప్రెసిడెంట్ బొమ్మినేని రవీందర్రెడ్డి మాట్లాడుతూ వ్యాపారులు రైతుల వద్ద పత్తి కొన్నప్పుడు ముందుగా 5 శాతం టాక్స్ కట్టాల్సి వస్తోందన్నారు. కాటన్ప్రాసెస్తర్వాత గింజలు, దూది వేరు చేసి బేళ్లు అమ్మినప్పుడు కట్టిన టాక్స్ఇన్పుట్ఇస్తారన్నారు. ఇందుకు ఒకటి నుంచి రెండు నెలల సమయం పడుతోందన్నారు. వ్యాపారులు ముందు పెట్టుబడి పెట్టడం వల్ల ఆర్థికభారం ఎక్కువవుతోందని చెప్పారు.
పంట ఉత్పత్తులపై పెట్టిన ఆర్సీఎం ఎత్తేయాలని తెలంగాణ కాటన్అసోసియేషన్ నుంచి అనేకసార్లు కేంద్ర, రాష్ట్ర ప్రభుత్వాలకు వినతిపత్రం అందజేసినప్పటికీ ఎలాంటి స్పందన లేదన్నారు. అందుకే పత్తి, ఇతర పంట ఉత్పత్తుల కొనుగోళ్లు బంద్చేసి నిరసన ర్యాలీ నిర్వహిస్తున్నట్లు చెప్పారు. పత్తిపై ఆర్సీఎం ఎత్తివేయాలని దేశవ్యాప్తంగా కాటన్ జిన్నింగ్ అండ్ ప్రెస్సింగ్ ఇండస్ట్రీస్ఆధ్వర్యంలో వచ్చే నెల 15న టోకెన్సమ్మె చేయనున్నట్లు చెప్పారు. కేంద్ర, రాష్ట్ర ప్రభుత్వాలు తక్షణమే స్పందించి సమస్యను పరిష్కరించాలని, లేదంటే పత్తి కొనుగోళ్లు బంద్చేస్తామని అన్నారు.
నిలిచిన కొనుగోళ్లు
వ్యాపారులు ఆందోళన బాట పట్టడంతో వరంగల్ ఏనుమాముల మార్కెట్లో కొనుగోళ్లు నిలిచిపోయాయి. మార్కెట్కు సుమారు ఆరు వేలకు పైగా పత్తి బస్తాలు తెచ్చిన రైతులు కొనుగోళ్లు జరుగుతాయో లేదోననే ఆందోళనతో మార్కెట్ఆఫీసర్లను కలిశారు. పత్తి కొనుగోలు చేయించాలని కోరారు. సుమారు రెండు గంటల తర్వాత మళ్లీ కొనుగోళ్లు షురూ చేశారు.
